«جوعارى وقۋ ورنىنىڭ ۇزدىك وقىتۋشىسى» رەسپۋبليكالىق كونكۋرسىنا قاتىسۋ ءۇشىن قۇجات قابالداۋ باستالدى. بۇل تۋرالى Almaty-akshamy.kz Inform.kz-كە سىلتەمە جاساپ حابارلايدى.
بايقاۋعا قاتىسۋ ءۇشىن قۇجاتتار 1-10 قاراشا ارالىعىندا قابىلدانادى. جەڭىمپازعا 6 ميلليون تەڭگەدەن استام سىياقى بەرىلەدى.
كونۋرسقا جوعارى وقۋ ورىندارىنىڭ شتاتتاعى وقىتۋشىلارى قاتىسا الادى. ولاردىڭ كەمىندە 5 جىل ۇزدىكسىز عىلىمي-پەداگوگيكالىق ءوتىلى، وقىتۋشىلىق جانە عىلىمي قىزمەتتە جوعارى جەتىستىكتەرى بولۋى ءتيىس. وتىنىمدەر مەن قۇجاتتار اقپاراتتىق جۇيە ارقىلى ەلەكتروندىق فورماتتا قابىلدانادى.
ايتا كەتەيىك، اتالعان بايقاۋ 2 كەزەڭنەن تۇرادى. ياعني، ول الدىمەن جوعارى وقۋ ورنىنىڭ ىشىندە، كەيىن رەسپۋبليكالىق دەڭگەيدە وتەدى.
جوعارى وقۋ ورىندارىنىڭ قىزمەتكەرلەرى مەن پروفەسسورلىق-وقىتۋشىلار قۇرامىنان تۇراتىن ساراپشىلار توبى ۇمىتكەردىڭ وقىتۋ ساپاسى جانە عىلىمي-زەرتتەۋ قىزمەتى باعىتتارى بويىنشا باعالايدى. ساراپتاۋ توبىنىڭ قورىتىندىسى نەگىزىندە جوو كوميسسياسى كونكۋرسقا قاتىسۋشىلاردىڭ ەكىنشى، رەسپۋبليكالىق كەزەڭگە قاتىسۋى تۋرالى شەشىم شىعارادى. ال رەسپۋبليكالىق دەڭگەيدە قۇرىلعان كوميسسيا قۇرامىنا ۇكىمەتتىك ەمەس ۇيىمدار، ب ا ق، ستۋدەنتتىك جانە جاستار ۇيىمدارىنىڭ، جوو قاۋىمداستىقتارىنىڭ وكىلدەرى مەن ساراپشىلار ەنەدى.