قاڭتار وقيعاسىندا قارۋ-جاراق دۇكەندەرىنەن ۇرلانعان 13 قارۋ الماتىداعى ءۇش ارنايى ءىس-شارا كەزىندە تاركىلەندى، دەپ حابارلايدى Almaty-akshamy.kz Inform.kz-كە سىلتەمە جاساپ.
الماتى قالالىق پوليسيا دەپارتامەنتىنىڭ مالىمەتىنشە، ارنايى شارانى ق ر ءىىم كريمينالدىق پوليسيا دەپارتامەنتى وكىلىنىڭ باسشىلىعىمەن كريمينالدىق پوليسيا باسقارماسىنىڭ ارنايى توبىنىڭ قىزمەتكەرلەرى جۇرگىزگەن.
پوليسيانىڭ ارنايى جاساقتارى وسى جىلدىڭ قاڭتار ايىندا قارۋ-جاراق دۇكەندەرىن توناۋعا قاتىسقان التى كۇدىكتىنى ۇستادى.
«كۇدىكتىلەر قارۋدىڭ ءبىر بولىگىن ساتىپ ۇلگەرگەن، ەكىنشى بولىگىن جاسىرىپ قويعان. قارۋدى تىعىپ كەتكەن ورىن تابىلدى. ولاردى قالانىڭ ءارتۇرلى بولىكتەرىندەگى قاڭىراپ بوس جاتقان جەرلەرگە جاسىرعان. قويمالاردان وپتيكالىق كوزدەۋىشتەر جانە باسقا دا اڭشىلىق قۇرالدار تابىلدى. قىلمىستىق ءىستى الماتى قالالىق پد تەرگەۋ باسقارماسى تىركەدى»،- دەپ حابارلادى پوليسيادان.
تاركىلەنگەن قارۋعا ساراپتاما تاعايىندالدى.
سۋرەت: Inform.kz