قورعانىس ءمينيسترىنىڭ ءبىرىنشى ورىنباسارى اسقار مۇستابەكوۆ 2026 جىلعى 29 قاڭتاردا سەناتتاعى بريفينگتە كەلىسىم-شارت بويىنشا اسكەرگە شاقىرۋداعى جاڭالىقتار تۋرالى مالىمدەدى، دەپ حابارلايدى aqshamnews.kz
ونىڭ ايتۋىنشا، اسكەري كافەدرانى بىتىرگەننەن كەيىن ەلىمىزدە موبيليزاسيالىق رەزەرۆتى قۇرۋ اياسىندا كەيبىر تاپشىلىققا ۇشىراعان ماماندىقتار بويىنشا تۇلعالار اسكەرگە شاقىرىلۋى مۇمكىن.
"ءبىزدىڭ ەلدە تاپشىلىققا ۇشىراعان ماماندىقتار وتە كوپ. بۇل مەديسينالىق ماماندار، پسيحولوگتار جانە باسقا دا تار باعىتتالعان ماماندىقتار"، – دەدى مۇستابەكوۆ.
ۆيسە-مينيستردىڭ سوزىنشە، وسىنداي ماماندىق يەلەرى مىندەتتى اسكەرگە شاقىرۋعا ەمەس، تەك كەلىسىم-شارت بويىنشا قىزمەتكە جىبەرىلەدى.
"كەلگەن كەزدە ول كەلىسىم-شارتقا وتىرادى. قىزمەت ۇزاقتىعى كەلىسىم-شارتقا بايلانىستى بولادى. ەگەر 5 نەمەسە 10 جىلعا كەلىسىم-شارت جاساسا، سونشا قىزمەت ەتەدى. قازىرگى ۋاقىتتا مىندەتتى شاقىرۋ قاراستىرىلماعان"، – دەدى مۇستابەكوۆ.
ەستەرىڭىزگە سالساق، بۇعان دەيىن قورعانىس مينيسترلىگى اسكەريلەردىڭ قازا بولۋى سالدارىنان شۇعىل شارالار قابىلداعانىن حابارلاعان بولاتىن.