مەملەكەت باسشىسىنىڭ تاپسىرماسى اياسىندا جوو وقىتۋشىلارىنىڭ جالاقىسى ءوستى، دەپ حابارلايدى Almaty-akshamy.kz
«مەملەكەتتىك جوعارى وقۋ ورىندارىندا قوسىمشا اقىلار مەن ۇستەمەاقىلاردى ەسكەرە وتىرىپ، پەداگوگيكالىق وقىتۋشى قۇرامنىڭ جالاقىسى 160،7 مىڭ تەڭگەدەن 210،1 مىڭ تەڭگەگە دەيىن نەمەسە 30،7 پايىزعا، ۇلتتىق جوعارى وقۋ ورىندارىندا 228،8 مىڭ تەڭگەدەن 283،7 مىڭ تەڭگەگە دەيىن نەمەسە 24 پايىزعا كوتەرىلدى»، – دەلىنگەن مينيسترلىكتىڭ اشىق نقا پورتالىندا جاريالانعان قۇجاتقا بەرگەن تۇسىندىرمە جازباسىندا.
ءسويتىپ، وقىتۋشىلار مەن عالىمداردىڭ جالاقىسى 50-60 مىڭ تەڭگەگە ارتتى. جالاقىنى ءوسىرۋ مەملەكەتتىك ءبىلىم تاپسىرىسىنىڭ قۇنىن ارتتىرۋ ەسەبىنەن جۇزەگە اسىرىلعان.
عىلىم جانە جوعارى ءبىلىم مينيسترلىگى ۇسىنعان ءتۇرلى ماماندىقتار بويىنشا ءبىلىم گرانتتارى قۇنىنىڭ كەستەسىنەن ءبىر مەملەكەتتىك ءبىلىم تاپسىرىسىنىڭ قۇنى شامامەن 100 مىڭ تەڭگەگە ارتقانىن بايقاۋعا بولادى.