الماتىدا ءىرى الاياقتىق قۇرباندارىن ىزدەۋدە

الماتى پوليسياسى قىتايدان تاۋار الىپ كەلەمىن دەپ 36 ادامدى سان سوقتىرعان ءىرى الاياقتىقتىڭ قۇرباندارىن ىزدەپ جاتىر.

ءبىرقاتار الاياقتىق جاسادى دەگەن كۇدىككە 28 جاستاعى ازاماتشا ىلىكتى. قىلمىستىق ءىس ماتەريالدارىنان بەلگىلى بولعانداي، ايەل ادام قىتايدان حالىق تۇتىناتىن تاۋارلاردى جەتكىزگەنى ءۇشىن ازاماتتاردان اقشا العان، دەپ حابارلايدى Almaty-akshamy.kz Polisia.kz-كە سىلتەمە جاساپ.

«ق ر قك-نىڭ 190-بابى 4-بولىگى (الاياقتىق) بويىنشا تىركەلگەن تەرگەۋدىڭ وسى كەزەڭىندە، رەسمي ارىز بەرگەن 36 ادام جابىرلەنۋشى دەپ تانىلدى. بۇل – جەتكىزۋشى مەن ساتىپ الۋشىلار اراسىندا مەنەدجەر (دەلدال) قىزمەتىن اتقاراتىن ساتىپ الۋشىلار. كەلتىرىلگەن ماتەريالدىق شىعىن كولەمى انىقتالىپ جاتىر. جابىرلەنۋشىلەردىڭ بۇدان دا كوپ بولۋى مۇمكىن ەكەندىگىن جوققا شىعارمايمىز. وسىعان بايلانىستى، ءبىز ولاردى مىنا تەلەفوندار ارقىلى حابارلاسۋعا شاقىرامىز: 8-775-222-24-51؛ 8-777-080-97-97 جانە 8-701-125-38-30»، – دەدى الاتاۋ اۋداندىق پوليسيا باسقارماسىنىڭ باستىعى ەسەن ىسقاقوۆ.

ق ر قك-نىڭ 201 بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77 بابى 3ء-بولىمى، 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.