بۇل تۋرالى عىلىم جانە جوعارى ءبىلىم سالاسىنداعى ساپانى قامتاماسىز ەتۋ كوميتەتىنىڭ ءتوراعاسى گۇلزات كوبەنوۆا ايتتى.
ەندى ۋنيۆەرسيتەتتىڭ جابىلۋىنا قۇرىلتايشى جاۋاپ بەرەدى، دەپ حابارلايدى Almaty-akshamy.kz
«پرەزيدەنتتىڭ تاپسىرماسىنا سايكەس، سالادا «تازا پاراقتان» اتتى جاڭا رەتتەۋشى ساياساتى قولدانىلادى. وعان سايكەس، تەكسەرىسكە جاتاتىن سۋبەكتىلەردىڭ ءتىزىمىن ادام انىقتامايدى. ەندى جۇمىس (جوو-نى تەكسەرۋ – اۆتور) اۆتوماتتى تۇردە جۇرگىزىلەدى. ءار سۋبەكتىنىڭ ءوزىنىڭ اقپاراتتىق جۇيەسى بولۋى كەرەك. ول مەملەكەتتىك ورگانداردىڭ جۇيەسىنە قوسىلادى، ال ءبىز ءوز تاراپىمىزدان ءتيىستى كريتەرييلەردى انىقتايمىز»، - دەدى گۇلزات كوبەنوۆا.
ونىڭ ايتۋىنشا، عىلىم جانە جوعارى ءبىلىم مينيسترلىگى جانىنان جۇمىس توبى قۇرىلعان.
«وعان مينيسترلىكتىڭ دە، جوعارى وقۋ ورىندارىنىڭ دا، بيزنەس وكىلدەرىنىڭ دە، «اتامەكەن» ۇكپ-نىڭ دا وكىلدەرى كىردى. بۇگىندە ول توپ جۇمىسىن اياقتاپ، بارلىق نورماتيۆتىك قۇقىقتىق اكتىلەرگە ريەۆيزيانى انىقتادى. ەندى اۆتوماتتاندىرۋ باعىتى بويىنشا جۇمىستى جالعاستىرامىز (ەگەر ۋنيۆەرسيتەت جابىلسا – اۆتور). زاڭعا سايكەس، (جوو-نىڭ – اۆتور) قۇرىلتايشىسى ستۋدەنتتەرگە ەڭ الدىمەن جاۋاپ بەرەدى. ونىڭ جاۋاپكەرشىلىگى «ءبىلىم تۋرالى» زاڭعا ەنگىزىلگەن تولىقتىرۋ ارقىلى ناقتىلاندى. ەڭ الدىمەن، بۇل قۇرىلتايشىنىڭ جاۋاپكەرلىگىن كۇشەيتۋدى كوزدەيدى»، - دەدى كوميتەت ءتوراعاسى.
ايتا كەتەيىك، بۇعان دەيىن عىلىم جانە جوعارى ءبىلىم ءمينيسترى بيىل 15 ۋنيۆەرسيتەتتىڭ تەكسەرىلەتىنىن ايتقان ەدى.