ساياساتتانۋشى جومارت سيمتيكوۆ سايلاۋ بۇعان دەيىنگى ساياسي ناۋقانداردان وزگەشە وتكەنىن ايتتى. سەبەبى ەلىمىزدىڭ كونستيتۋسيالىق رەجيمىنە وزگەرىس ەنىپ، بيۋللەتەندەردە «بارىنە قارسىمىن» دەگەن باعان قوسىلدى. بۇل پىكىرلەردىڭ ءارالۋاندىعىن ءارى دەموكراتيالىق پروسەستىڭ تۇراقتى دامۋىن كورسەتىپ وتىر.
«بىرىنشىدەن، قازاقستان حالقىنىڭ باسىن بىرىكتىردى. ەكىنشىدەن، ەل پرەزيدەنتى 7 جىلدىق بولاشاق ستراتەگيالىق باعدارلامانى دايىنداۋعا ۇلكەن ىقپال ەتەدى دەپ ايتۋعا بولادى. ۇشىنشىدەن، بۇل دەموكراتيالىق ءۇردىستىڭ عالامدانۋ پروسەستەرىنىڭ كوشىنەن قالمايتىندىعىن كورسەتتى. تورتىنشىدەن، قازاقستاندا بولىپ جاتقان وزگەرىستەرگە حالىقتىڭ باسىم كوپشىلىگى قولداۋ بىلدىرەتىندىگىن كورسەتتى. سوندىقتان سايلاۋ ناتيجەلى بولادى دەپ ويلايمىن. ەلىمىزدەگى بولاشاق ستراتەگيالىق باعدارلامالار سايلاۋدىڭ نەگىزىندە ىسكە اسادى. بۇل ماندات سەنىمدىلىك بەرەدى جانە قازاقستاننىڭ دامۋىنا مۇمكىندىك تۋعىزادى دەپ ويلايمىن»، – دەدى ساياساتتانۋ عىلىمدارىنىڭ دوكتورى، پروفەسسور جومارت سيمتيكوۆ.