اسەت يمانعالييەۆ پرەزيدەنتتى ەل بولىپ قولداۋ كەرەگىن ايتتى
قازاق ىقىلىم زاماننان مال شارۋاشىلىعىمەن اينالىسادى، سالانى دامىتۋ قاجەت. وسىلاي ۇمىتتەنەتىن اكتەر اسەت يمانعالييەۆ پرەزيدەنتتى ەل بولىپ قولداۋ كەرەگىن ايتتى.
«ءوز پرەزيدەنتىمىزدى سايلاپ الدىق قوي. جاڭا قازاقستان، ءادىل قازاقستان دەيمىز، ەلىمىزدىڭ ەرتەڭى – ۇرپاعىمىز ءۇشىن وزگەرتەتىن وزگەرىس كوپ. ەل رەتىندە قولىمىزدان كەلگەنشە كومەكتەسۋىمىز، قولداۋىمىز قاجەت دەپ ويلايمىن. مال، اۋىل شارۋاشىلىعىمەن ىقىلىم زاماننان اينالىسىپ كەلگەن حالىقپىز عوي، اۋىل شارۋاشىلىعىن كوتەرسە، ەلگە، جەرگە كوڭىل بولسە دەگەن نيەتىمىز بار. سول جاعىنان وزگەرىستەر بولاتىن شىعار دەپ ۇمىتتەنەمىز»، – دەدى اكتەر اسەت يمانعالييەۆ.
ەسكە سالايىق، ورتالىق سايلاۋ كوميسسياسىنىڭ وتىرىسىندا 20 قاراشادا وتكەن قازاقستان پرەزيدەنتى سايلاۋىنىڭ رەسمي قورىتىندىلارى جاريالاندى. قورىتىندى بويىنشا، قاسىم-جومارت توقايەۆ قازاقستان پرەزيدەنتى بولىپ سايلاندى. پرەزيدەنتتىڭ انت بەرۋ كۇنى 26 قاراشاعا بەلگىلەندى.