ەكى بانكتىڭ جاڭا جىلدىق جۇلدەسىن جەڭىپ العان سانجاردىڭ جولى بولدى ما؟
قازاقستاندىق سانجار ەسىمدى ازامات ەكى بانكتىڭ جاڭا جىلدىق بايقاۋلارىندا جەڭىسكە جەتىپ، Bereke Bank-تان 1 ملن تەڭگە، ال "بانك سەنتركرەديت"-تەن 2،5 ملن تەڭگەگە جولدامانى ۇتىپ الدى. بۇل جاڭالىق جەلى قولدانۋشىلارىنىڭ قىزۋ تالقىلاۋىنا ءتۇسىپ، ولاردىڭ كوبى وسىنداي سايكەستىككە كۇمان كەلتىرۋدە، دەپ حابارلايدى aqshamnews.kz
بانكتەر بايقاۋدىڭ ادال وتكەنىن مالىمدەدى. جەڭىمپاز اۆتوماتتاندىرىلعان جۇيە ارقىلى تاڭدالىپ، بۇل پروسەسس ادامنىڭ قاتەلىگىن نەمەسە مانيپۋلياسيانى بولدىرمايتىن جۇيە رەتىندە سيپاتتالدى. "بانك سەنتركرەديت" پلاتفورمانىڭ سەنىمدىلىگىنە سەنىمدى ەكەنىن، ءبىراق مۇمكىن بولاتىن سىرتقى ارالاسۋلاردى انىقتاۋ ءۇشىن قوسىمشا تەكسەرۋ جۇرگىزەتىنىن حابارلادى.
ب ا ق مالىمەتىنشە، سانجار ءبىر قازاقستاندىق بانكتىڭ قىزمەتكەرلەرى تىزىمىندە بار. ءبىراق جەڭىمپاز ءوزىنىڭ ەكى بايقاۋدا قاتارىنان جەڭىسكە جەتۋىن تەك ساتتىلىكپەن ءتۇسىندىردى.
بۇل جاعداي بانكتىك بايقاۋلاردىڭ اشىقتىعى مەن ادىلدىگىنە بايلانىستى قوعامدا ءتۇرلى پىكىر تۋدىردى. تەكسەرۋ ناتيجەلەرى بۇل وقيعانىڭ انىق-قانىعىن كورسەتەدى دەپ كۇتىلۋدە.