جولداۋعا قاتىستى قحا مۇشەلەرى پىكىر ءبىلدىردى. بۇل تۋرالى Almaty-akshamy.kz Assembly.kz-كە سىلتەمە جاساپ حابارلايدى.
باسەكەگە توتەپ بەرە الاتىن ەل بولامىز دەسەك، قازاقستان رەسپۋبليكاسىنىڭ پرەزيدەنتى قاسىم-جومارت توقايەۆتىڭ حالىققا ارناعان جولداۋىندا ءبىلىمدى، عىلىمدى جەتىلدىرۋ ماسەلەسى تولىق ايقىندالعان. جولداۋدا كورسەتىلگەن ەل ەكونوميكاسىن جانە ەل باسقارۋدى تۇبەگەيلى وزگەرتۋدىڭ قاجەتتىلىگىن ءومىردىڭ ءوزى تالاپ ەتكەندىگىن ايتا كەلە، پرەزيدەنت ءبىزدىڭ بولاشاق دامۋىمىز جان -جاقتى ساراپتالعان وزگەرىستەر جاساۋعا بايلانىستى دەپ كورسەتتى. سوڭعى جارتى جىلداعى الەمدەگى ىندەت، داعدارىس ءبىزدىڭ ءالسىز جاقتارىمىزدى اشىق كورسەتتى. جولداۋدا سونىڭ ورنىن تولىقتىرۋدى ۇسىنا وتىرىپ، جاس ۇرپاقتىڭ وقۋىنا، ۇزدىكسىز ءبىلىم الۋ جانە عىلىم سالاسىندا جەتىستىكتەرگە جەتۋىنە بارلىق جاعدايدى جاساۋدىڭ ماڭىزدىلىعىنا ەرەكشە توقتالعان.
حح عاسىردىڭ باسىندا الاش زيالىلارى رەسەي يمپەريالىق-وتارشىل ۇكىمەتىنىڭ وزىنە دە پەتيسيا جازىپ تالاي ىرگەلى ۇسىنىستار جاساپ، سول كەزدەگى دۋمادا قازاقتىڭ جەر، وقۋ، ءدىن ت.ب. ستراتەگيالىق ماسەلەلەرىن دۇرىس تالقىلاۋعا قول جەتكىزگەن ەدى. ال بۇگىن مەملەكەتتىك-ۇلتتىق ماڭىزدى ماسەلەلەردى شەۋدە حالىق پىكىرىمەن ساناساتىن، حالىقتى تىڭداي بىلەتىن بيلىك بولسىن "دەيتىن ۇستانىمىنا بەرىك پرەزيدەنت ، حالىقتىڭ پەتيسيا جازۋ ارقىلى ماڭىزدى ۇلتتىق شەشىمدەر قابىلداۋدا تىكەلەي اتسالىسۋى قاجەت " دەگەن پىكىرىن ءبىز وتە دۇرىس دەپ سانايمىز.
تاريح ساباعىنان تاعلىم الۋ تەك جاقسى ناتيجەگە جەتكىزەدى. سونىمەن قاتار، جولداۋدىڭ ءبىرىنشى قىرقۇيەك جاڭا وقۋ جىلىنىڭ باستالاۋ كۇنىندە جاريالانۋى "ەل بولام دەسەڭ بەسىگىڭدى تۇزە" دەگەن تاريحي تۇجىرىمعا ءمان بەرگەندىكتىڭ بەلگىسى دەپ سانايمىز.
سوندىقتان اكادەميك ە.ا.بوكەتوۆ اتىنداعى قاراعاندى ۋنيۆەرسيتەتىنىڭ تاريحشى ۇستاز عالىمدارى، ەل پرەزيدەنتىنىڭ جاڭا ەكونوميكالىق،ساياسي جانە الەۋمەتتىك جاعدايعا بايلانىستى ەل تاعدىرىن جان-جاقتى تالداپ، دامۋدىڭ ستراتەگياسىن كورسەتكەن وسى جولداۋىن قولداي وتىرىپ ،ونى ىسكە اسىرۋ ءۇشىن بارلىق ءبىلىمىمىز بەن تاجىريبەمىزدى جۇمىلدىرامىز!