جولدا ساق بولىڭىزدار جانە قاۋىپسىزدىك ەرەجەلەرىن قاتاڭ ساقتاڭىزدار!

اكمولا وبلىسىنداعى جاپپاي جول اپاتى: ەۆاكۋاتورلار كولىكتەردى وقيعا ورنىنان اكەتۋدە

استانا – پەتروپاۆل تاسجولىندا بۇگىن بولعان جاپپاي جول اپاتىنىڭ سالدارىن جويۋ جۇمىستارى جالعاسۋدا. قازىرگى ۋاقىتتا جولدى تازالاۋ جانە قۇتقارۋ وپەراسيالارى جۇرگىزىلىپ جاتىر. وقيعا ورنىنا شامامەن 20 ەۆاكۋاتور جەتكىزىلدى، دەپ حابارلايدى aqshamnews.kz

«قازاۆتوجول» مالىمەتىنشە:

• 3 قاڭتار، ساعات 19:00-دەگى جاعداي بويىنشا استانا – پەتروپاۆل تاسجولىنداعى اپاتتان 95 كولىكتىڭ 24ء-ى ەۆاكۋاتورلارمەن شىعارىلدى.
• 30 كولىك ءوز جۇرىسىمەن وقيعا ورنىنان كەتكەن.
• اپات ورنىندا ءالى دە 41 كولىك قالۋدا.
• قۇتقارۋ جۇمىستارىنا 34 ارنايى تەحنيكا مەن 20 ادام جۇمىلدىرىلعان.

ءموبيلدى جىلىتۋ پۋنكتىندە ازاماتتارعا ىستىق تاماق پەن شاي ۇسىنىلۋدا.

جاپا شەككەندەر تۋرالى اقپارات

اقمولا وبلىسى دەنساۋلىق ساقتاۋ باسقارماسىنىڭ مالىمەتىنشە: اپات سالدارىنان 20 ادام جاراقات العان، ولاردىڭ ىشىندە سەگىز بالا بار.

• اقكول اۋداندىق اۋرۋحاناسىنا ءۇش ادام ءتۇرلى دەڭگەيدەگى جاراقاتتارمەن جەتكىزىلدى. بارلىعىنىڭ جاعدايى تۇراقتى.
• بۇلاندى اۋداندىق اۋرۋحاناسىنا 11 ادام ءتۇستى، ولاردىڭ بەسەۋى، سونىڭ ىشىندە ءبىر بالا، اۋرۋحاناعا جاتقىزىلدى. قالعان التى ادام امبۋلاتورلىق ەم قابىلداۋدا.
• بۋرابايداعى مەديسينالىق ورتالىققا ءتورت ادام جەتكىزىلدى، ولاردىڭ ءبىرى اۋرۋحاناعا جاتقىزىلدى، ۇشەۋى امبۋلاتورلىق ەم قابىلداۋدا.
• استانادان ەكى بالا اۋرۋحاناعا جاتقىزىلدى.
  • 2021 جىلى تۋعان بالادا باس سۇيەك-مي جاراقاتى مەن مي شايقالۋ كۇدىگى بار.
  • 2009 جىلى تۋعان جاسوسپىرىمدە كوكىرەك تۇسىنىڭ جابىق جاراقاتى جانە تىزە بۋىنىنىڭ سوققىدان العان جاراقاتى انىقتالعان.

بارلىق اۋرۋحاناعا جاتقىزىلعانداردىڭ جاعدايى تۇراقتى دەپ باعالانۋدا.