ىشكى ىستەر مينيسترلىگى جول جۇرىسىنە قاتىسۋشىلارعا اۋا رايىنىڭ قولايسىزدىعىنا بايلانىستى ماڭىزدى ۇندەۋ جولدادى، دەپ حابارلايدى aqshamnews.kz
قۇرمەتتى جول جۇرىسىنە قاتىسۋشىلار!
اۋا رايى ناشارلاعان سايىن جولدا ءجۇرۋ قاۋىپسىزدىگى ماڭىزدىراق بولا تۇسۋدە. كوكتايعاق، بوران، قار نەمەسە تۇمان جاعدايىندا جولعا شىعۋ ءقاۋىپتى. مۇنداي جاعدايدا ۇزاق ساپارلاردان باس تارتۋعا كەڭەس بەرەمىز. ءوز جانە وزگەلەردىڭ ءومىرىن قاتەرگە تىگىپ، قيىندىققا تاپ بولماۋ ءۇشىن، اۋا رايىنىڭ جاقسارۋىن كۇتكەن ءجون.
ەگەر جولعا شىعۋ قاجەت بولسا، كەلەسى كەڭەستەردى ەستە ساقتاڭىز:
- جىلدامدىقتى ازايتىڭىز.
- ءقاۋىپسىز قاشىقتىقتى ساقتاڭىز.
- باسىپ وزۋدان جانە جىلدام جۇرىستەن اۋلاق بولىڭىز.
- مۇمكىندىگىنشە جاقىن ماڭداعى ەلدىمەكەنگە نەمەسە ءقاۋىپسىز جەرگە توقتاڭىز.
جول قىزمەتتەرى، پوليسيا جانە قۇتقارۋ بولىمشەلەرى تاۋلىك بويى جۇمىس ىستەيدى جانە كەز كەلگەن جاعدايدا كومەك كورسەتۋگە دايىن. توتەنشە جاعداي تۋىنداعان جاعدايدا دەرەۋ كومەككە جۇگىنىڭىز.
سونىمەن قاتار، اۋا رايىنا بايلانىستى جولداعى شەكتەۋلەر مەن ەرەجەلەردى ساقتاۋدىڭ ماڭىزدىلىعىن ەسكەرتەمىز. شەكتەۋلەردى بۇزۋ وزىڭىزگە دە، باسقالارعا دا ءقاۋىپ توندىرەدى. زاڭ بۇزۋشىلار جاۋاپقا تارتىلادى.
ءسىزدىڭ قىراعىلىعىڭىز بەن جاۋاپكەرشىلىگىڭىز – ءوز ۇيىڭىزگە امان-ەسەن ورالۋىڭىزدىڭ كەپىلى. وزىڭىزگە جانە جاقىندارىڭىزعا قامقور بولىڭىز!