«الماتى — وسكەمەن» پويىزىندا الماتى تۇرعىنى قىز بوساندى.
جاس انا جانسايا كوكەنوۆا جۇكتىلىكتىڭ سوڭعى ايىندا الماتىدان وسكەمەنگە № 352 پويىزبەن جولعا شىققان.
پويىز جونەلتىلگەننەن كەيىن ەكاشا–ايىرتاۋ ستانسالارى اراسىندا جولاۋشىنىڭ تولعاعى باستالادى.
ۆاگون جولسەرىگى باعداگۇل ءابداقۇلوۆا جانە پويىز بريگاداسىنىڭ باسقا دا قىزمەتكەرلەرى قاجەتتى كومەك كورسەتىپ، امان-ەسەن بوساندىرىپ الدى.
قىز بالا 7 اقپان ساعات 13:30–دا دۇنيەگە كەلدى.
پويىز بريگاداسى لاۋازىمدىق نۇسقاۋلىققا سايكەس جاقىن ماڭداعى ستانساعا جەدەل جاردەم شاقىردى.
ۆاگوندا بوسانعان ايەلگە كومەك كورسەتۋ ءۇشىن بۇكىل قاجەتتى جاعداي جاسالدى.
وسكەمەن ستانساسىنا كەلگەننەن كەيىن قىزدى اناسىمەن بىرگە جەدەل جاردەم قىزمەتكەرلەرى الىپ كەتتى.
جولسەرىك باعداگۇل ءابداقۇلوۆا تەمىرجولدا 23 جىلدان استام جۇمىس ىستەپ كەلەدى.
بۇل وقيعا ونىڭ تاجىريبەسىندە ءبىرىنشى رەت بولىپ وتىر. پويىز جولسەرىگىنىڭ ايتۋىنشا، مۇنداي وقيعادا جاردەمدەسۋ ۇلكەن جاۋاپكەرشىلىكتى تالاپ ەتەدى.
ايتا كەتەيىك، پويىز بريگاداسىنىڭ قىزمەتكەرلەرى ستاندارتتى ەمەس جاعدايدا العاشقى مەديسينالىق كومەك كورسەتۋ بويىنشا تۇراقتى نەگىزدە وقىتۋدان وتەدى.
سوڭعى 3 جىلدا «جولاۋشىلار تاسىمالى» اق پويىزدارىندا 12 بالا دۇنيەگە كەلدى.