جولدى رۇقسات ەتىلمەگەن جەردەن وتپەڭىزدەر!
الماتىنىڭ ورتالىق كوشەلەرىنىڭ بىرىندە جاياۋ جۇرگىنشىنى كولىك قاعىپ، مەرت قىلدى، دەپ حابارلايدى Almaty-akshamy.kz قازاقپارات cايتىنا سىلتەمە جاساپ.
الماتى قالالىق پوليسيا دەپارتامەنتىنىڭ مالىمەتىنشە، جول اپاتى 12 قازاندا كەشكى ساعات 21:40-تا ءال-فارابي داڭعىلىندا بولدى.
«Peugeut 308» كولىگى ءال-فارابي داڭعىلى بويىمەن باتىس باعىتتا كەتىپ بارا جاتىپ، مەندىقۇلوۆ كوشەسىنىڭ قيىلىسىندا جاياۋ جۇرگىنشى قاعىپ كەتتى. بەلگىلى بولعانىنداي، ول جولدى رۇقسات ەتىلمەگەن جەردەن كەسىپ وتپەكشى بولعان. جول اپاتى سالدارىنان 1995 جىلى تۋعان ەر ادام العان جاراقاتىنان جەدەل جاردەم كولىگى كەلگەنشە كوز جۇمدى»، - دەدى الماتى قالاسى پد تەرگەۋ باسقارماسىنىڭ باستىعى ولجاس ءشارىپوۆ.
ونىڭ ايتۋىنشا، قىلمىستىق كودەكستىڭ 345-بابى 3-بولىگى بويىنشا سوتقا دەيىنگى تەرگەۋ باستالدى.