مەگاپوليس اكىمى باقىتجان ساعىنتايەۆ كورنەكتى اعارتۋشىنىڭ تاريحي-مادەني مۇراسىن ساقتاۋ ماقساتىندا ءتيىستى شەشىم قابىلدادى
جۇمىس ساپارى بارىسىندا ب. ساعىنتايەۆ ا. بايتۇرسىنوۆتىڭ مۇراجاي-ۇيىنە باردى. قالا اكىمى ءمۇراجاي-ۇيدى قوعامدىق قوردان كوممۋنالدىق مەنشىككە بەرۋ تۋرالى شەشىم قابىلدانعانىن ايتتى، دەپ حابارلايدى Almaty-akshamy.
«كەلەر جىلى كورنەكتى اعارتۋشى ا. بايتۇرسىنوۆتىڭ تۋعانىنا 150 جىل تولادى. مەرەيتويعا دايىندىق بارىسىندا قوعام قايراتكەرى تۇرعان ءمۇراجاي-ۇيدى قالا مەنشىگىنە قايتاردىق. ونىڭ مۇراسى ماڭگىلىك ساقتالادى»، - دەپ جازدى ب. ساعىنتايەۆ ءوزىنىڭ Twitter-دەگى اككاۋنتىندا.
حح عاسىردىڭ باسىندا سالىنعان مۇراجاي عيماراتى رەسپۋبليكالىق ماڭىزى بار تاريح جانە مادەنيەت ەسكەرتكىشتەرىنىڭ مەملەكەتتىك تىزىمىنە ەنگىزىلگەن. عيماراتتىڭ جالپى اۋدانى – 160 ش. م.
مۇراجاي 1993 جىلى قۇرىلدى جانە 1998 جىلى رەسمي تۇردە اشىلدى. مۇراجايدا ا. بايتۇرسىنوۆتىڭ ءومىرى مەن شىعارماشىلىعى تۋرالى 500-گە جۋىق ماتەريالدار ساقتالعان.
View this post on Instagram