قازاقستاننىڭ ەنەرگەتيكا مينيسترلىگى اۆتوبۋستاردا جول اقى ءتاريفىن قىمباتتاتۋدى ۇسىنعان ساراپشى ولجاس ءبايدىلدينوۆتىڭ پىكىرىنە بايلانىستى مالىمدەمە جاسادى، - دەپ حابارلايدى اqshamnews.kz ءتىلشىسى.
"جولاقى 500 تەڭگە بولۋعا ءتيىس"
ساراپشى ءوز Telegram-ارناسىندا تاسىمالداۋشىلارعا بەرىلەتىن مەملەكەتتىك سۋبسيديالار تۋرالى وي قوزعادى.
"استانادا جانە الماتىدا جولاقى 500 تەڭگە بولۋعا ءتيىس (ءماسليحات سەسسيالارىندا بۇعان دەيىن 450 تەڭگە دەگەن ناقتى ەمەس باعا اتالعان). تەك الماتىنىڭ وزىندە وتكەن جىلى اۆتوبۋس تاسىمالدارىن سۋبسيديالاۋعا 200 ملن دوللار ءبولىندى. قىزمەت ساپاسىن كورىپ وتىرسىزدار ما؟ بۇل سالادا نارىقتىق باعالار مەن اشىق باسەكە قاجەت. پايدالانۋشىلار قاشىقتىققا بايلانىستى ءارتۇرلى باعا تولەۋگە ءتيىس. نارىققا جات ءارى اشىق ەمەس سۋبسيديالاردى اۆتوبۋس پاركتەرىنەن الىپ، باعالاردى نارىققا جىبەرۋدى ۇسىنامىن"، – دەپ جازدى ءبايدىلدينوۆ.
ەنەرگەتيكا مينيسترلىگى نە دەيدى؟
ءبايدىلدينوۆتىڭ جازباسى ءبىرقاتار باق-تا تاراپ، جۇرتتىڭ نارازىلىعىن تۋدىردى.
ول كەيبىر اقپاراتتاردا ەنەرگەتيكا مينيسترلىگى جانىنداعى قوعامدىق كەڭەستىڭ مۇشەسى رەتىندە كورسەتىلگەن. وسىعان بايلانىستى ۆەدومستۆو مالىمدەمە جاسادى.
"ولجاس ءبايدىلدينوۆ ق ر ەنەرگەتيكا مينيسترلىگى جانىنداعى قوعامدىق كەڭەستىڭ مۇشەسى ەمەس. ونىڭ قوعامدىق كولىك قىزمەتتەرى تاريفتەرىن قالىپتاستىرۋ ماسەلەلەرى بويىنشا ايتقان پىكىرلەرى جەكە كوزقاراسى جانە قازاقستان رەسپۋبليكاسىنىڭ مەملەكەتتىك ورگاندارىنىڭ رەسمي ۇستانىمىن بىلدىرمەيدى"، – دەپ مالىمدەدى مينيسترلىك.
ۆەدومستۆو قوعامدىق كولىك قىزمەتتەرى تاريفتەرىن قالىپتاستىرۋمەن ەنەرگەتيكا مينيسترلىگى ەمەس، اكىمدىكتەر اينالىساتىنىن ەسكە سالدى.
ولجاس ءبايدىلدينوۆ تۋرالى نە بەلگىلى؟
سەنات سايتىنداعى مالىمەت بويىنشا، ءبايدىلدينوۆ - اlmex رolymer ءجشس-نىڭ باس ديرەكتورى.
2020 جىلى قوعام قايراتكەرى ولجاس ءبايدىلدينوۆ «ادالدىق الاڭىنىڭ» جوبالىق كەڭسەسىنىڭ جەتەكشىسى - ق ر ەنەرگەتيكا ءمينيسترىنىڭ شتاتتان تىس كەڭەسشىسى بولىپ تاعايىندالدى.
ال ەنەرگەتيكا مينيسترلىگىنىڭ مالىمەتىنشە، ولجاس ءبايدىلدينوۆتىڭ ەنەرگەتيكا مينيسترلىگىنىڭ قۇرىلىمدارىندا، «قازمۇنايگاز» ۇلتتىق كومپانياسىندا، بانك سالاسىندا تاجىريبەسى بار، مۇناي سەرۆيسى سالاسىندا ءوزىنىڭ بيزنەسىن دامىتۋمەن اينالىسقان، 2016 جىلدان باستاپ Atameken Business تەلەارناسىندا «بايديلدينوۆ. نەفت» سالالىق اۆتورلىق باعدارلاماسىن جۇرگىزەدى، ءار ءتۇرلى بۇقارالىق اقپارات قۇرالدارىندا قازاقستاندىق مۇناي-گاز سەكتورىنىڭ دامۋى تۋرالى تالدامالىق ماتەريالدار جاريالايدى.
ولجاس بايدىلدەنوۆ Instagram-داعى پاراقشاسىندا ءوزىن المەكس جوباسىنىڭ باسشىسى، سامۇرىق-قازىنا قوعامدىق كەڭەسىنىڭ، سەنات جانىنداعى ساراپشىلار كلۋبىنىڭ، باسەكەلەستىكتى قورعاۋ جانە دامىتۋ اگەنتتىگى كەڭەسىنىڭ مۇشەسى مۇشەسى رەتىندە تانىستىرعان. ءقازىر ونىڭ ينستاداعى پاراقشاسى جابىق تۇر.
ەسكە سالايىق، 2022 جىلعى قاڭتار وقيعاسى كەزىندە بايدىلدەنوۆ گاز باعاسىن ءوسىرۋدى تالاپ ەتكەن ەدى. قىمباتشىلىققا نارازىلىق بىلدىرگەن حالىققا ساراپشى اۆتوبۋسپەن جۇرۋگە كەڭەس بەرگەن.