ىشكى ىستەر مينيسترلىگىنىڭ بۇيرىعى جاريالاندى.
ءمينيستردىڭ بۇيرىعىمەن بيىل 30 ماۋسىمدا بەكىتىلگەن جول قوزعالىسى ەرەجەلەرىنە ءبىرقاتار وزگەرىس ەنگىزىلىپ وتىر، دەپ حابارلايدى Almaty-akshamy.kz
موپەد جۇرگىزۋشىلەرىنە ۆەلوسيپەد جولىمەن، ۆەلوجولاقپەن، جول جيەگىمەن، تروتۋارمەن نەمەسە جاياۋ جۇرگىنشىلەر جولىمەن جۇرۋگە تىيىم سالىنادى.
ىشكى ىستەر مينيسترلىگى جول قوزعالىسى ەرەجەسىندەگى ساموكاتتار، موپەدتەر مەن ۆەلوسيپەدتەرگە قاتىستى تالاپتاردى كۇشەيتتى.
24-تاراۋدا موپەدتەر، ەلەكتر ساموكاتتار مەن ۆەلوسيپەدتەرگە قاتىستى قوسىمشا تالاپتار بەلگىلەندى. اتاپ ايتقاندا، ۆەلوسيپەد جۇرگىزۋشىلەرى ۆەلوجولاقپەن، ول بولماسا، جولدىڭ وڭ جاق شەتىمەن، سونىڭ ىشىندە مارشرۋتتىق كولىك قۇرالدارىنا ارنالعان جولاقپەن ءبىر قاتاردا نە جول جيەگىمەن، تروتۋارمەن نەمەسە جاياۋ جۇرگىنشىلەر جولىمەن جاياۋ جۇرگىنشىلەردىڭ جۇرىسىنە ءقاۋىپ توندىرمەي جۇرە الادى.
ال موپەد جۇرگىزۋشىلەرىنە ۆەلوسيپەد جولىمەن، ۆەلوجولاقپەن، جول جيەگىمەن، تروتۋارمەن نەمەسە جاياۋ جۇرگىنشىلەر جولىمەن جۇرۋگە تىيىم سالىنادى. ەلەكتر ساموكات جۇرگىزۋشىلەرى ۆەلوسيپەد جولىمەن نەمەسە ۆەلوجولاقپەن جۇرە الادى. ونداي جولاقتار بولماسا، جولدىڭ وڭ جاق شەتىمەن، سونىڭ ىشىندە مارشرۋتتىق كولىك قۇرالدارىنا ارنالعان جولاقپەن ءبىر قاتاردا نە جول جيەگىمەن، جاياۋ جۇرگىنشىلەردىڭ جۇرىسىنە ءقاۋىپ توندىرمەي، ساعاتىنا 6 كيلومەتردەن اسپايتىن جىلدامدىقپەن تروتۋارمەن نەمەسە جاياۋ جۇرگىنشىلەر جولىمەن جۇرۋگە ءتيىس.
18 جاسقا تولماعان جانە جۇرگىزۋشى كۋالىگى جوق ەلەكتر ساموكات جۇرگىزۋشىلەرىنە جولدىڭ جيەگىمەن جانە مارشرۋتتىق كولىك قۇرالدارىنا ارنالعان جولاقپەن جۇرۋگە تىيىم سالىنادى.
171-تارماقتا بارلىعىنا ورتاق شەكتەۋلەر كورسەتىلگەن. ولار:
رولدەن ۇستاماي جۇرۋگە؛
جولاۋشى تاسىمالداۋعا (ۆەلوسيپەد پەن موپەدتە ارنايى ورىندار بولسا، جولاۋشىنى تاسىمالداي الادى)؛
جۇكتەردi تاسىمالداۋعا (ۆەلوسيپەد پەن موپەدتە ارنايى قۇرىلعىلار بولسا، جۇكتەردى تاسىمالداۋعا بولادى، ءبىراق 0،5 مەترگە شىعىپ تۇرماۋى كەرەك)؛
ترامۆاي قوزعالىسى بار جولداردا سولعا بۇرىلۋعا نەمەسە كەرi بۇرىلۋعا؛
موپەدتەر، ەلەكتر ساموكاتتار مەن ۆەلوسيپەدتەردى سۇيرەتۋگە (موپەدتەر مەن ۆەلوسيپەدتەرگە ارنايلعان تىركەمەلەردى سۇيرەتۋگە بولادى)؛
جاياۋ جۇرگىنشىلەر وتكەلىمەن موپەد، ەلەكتر ساموكاتتار مەن ۆەلوسيپەدتەن تۇسپەي جۇرۋگە؛
تۇنگى ۋاقىتتا جارىقتى شاعىلىستىراتىن زاتتارسىز جۇرۋگە؛
جولدىڭ جيەگىنە شلەمسىز شىعۋعا تىيىم سالىنادى.
سونداي-اق موپەد، ەلەكتر ساموكات، ۆەلوسيپەد پەن موتوسيكل مىنگەن مۇگەدەك ازاماتتار جاياۋ جۇرگىنشىلەرگە تەڭەستىرىلەدى.