قارسى بەتكە شىعىپ كەتكەندەر ءۇشىن دە جازا اۋىرلاي ءتۇستى
قازاقستاندا جول ەرەجەسىن بۇزعاندار ءۇشىن ايىپپۇلدىڭ جاڭا تۇرلەرى پايدا بولادى. ادىلەت مينيسترلىگى “قازاقستان رەسپۋبليكاسىنىڭ اكىمشىلىك قۇقىقبۇزۋشىلىق تۋرالى كودەكسىنە وزگەرىستەر مەن تولىقتىرۋلار ەنگىزۋ تۋرالى” زاڭ جوباسىن ازىرلەدى، دەپ حابارلايدى Almaty-akshamy.kz.
جاڭا زاڭعا سايكەس، ەندى جىلدامدىقتى ساعاتىنا 40-تان 80 شاقىرىمعا دەيىن ارتتىرعان جۇرگىزۋشىلەرگە 20 اەك (69 000 تەڭگە) ايىپپۇل قاراستىرىلعان. ال قوزعالىس جىلدامدىعىن 80-نەن نەمەسە ودان دا ارتىق اسىرساڭىز، 60 اەك (207 000 تەڭگە) مولشەرىندە ايىپپۇل تولەۋگە مىندەتتەلەسىز.
سونداي-اق 593-باپقا دا وزگەرىستەر ەنگىزىلدى. ياعني، قاۋىپسىزدىك بەلدىگىن تاقپاعاندار، موتوشلەمسىز جۇرگەندەر، جولاۋشىلاردى اۆتوكولىك كابيناسىنان تىس جەردە تاسىمالداعاندار 10 اەك (34 500 تەڭگە) كولەمىندە ايىپپۇل تولەيدى.
سونداي-اق قارسى بەتكە شىعىپ كەتكەندەر ءۇشىن دە جازا اۋىرلاي ءتۇستى. ولارعا جول ەرەجەسىن بۇزعانى ءۇشىن 30 اەك (103 500 تەنگە) قاراستىرىلعان.