جاراقات العانداردىڭ بارلىعى مەديسينالىق مەكەمەگە جەتكىزىلدى.
قازاقستانداعى تراسسالىق مەديسينالىق-قۇتقارۋ پۋنكتىنىڭ ماماندارى وتكەن تاۋلىكتە جول-كولىك وقيعالارىنا 15 رەت شىعىپ، 32 ادامدى قۇتقاردى، دەپ حابارلايدى Almaty-akshamy.kz.
«تۇركىستان وبلىسىندا الماتى-تاشكەنت-تەرمەز تاس جولىنىڭ 754 شاقىرىمىنداعى ەكى كولىكتىڭ سوقتىعىسۋ سالدارىنان 7 ادام، ونىڭ ىشىندە 3 بالا زارداپ شەكتى. اقپاراتتى العان ساتتەن باستاپ 2 مينۋتتان كەيىن "قىزىعۇرت" تراسسالىق مەديسينالىق-قۇتقارۋ پۋنكتىنىڭ بريگاداسى جول-كولىك وقيعاسى ورنىنا شىقتى. زارداپ شەككەندەردىڭ بارلىعىنا قاجەتتى مەديسينالىق كومەك كورسەتىلىپ، كەيىننەن قازىعۇرت اۋداندىق اۋرۋحاناسىنا جاتقىزىلدى»، – دەلىنگەن توتەنشە جاعدايلار مينيسترلىگىنىڭ باسپا ءسوز قىزمەتىنىڭ حابارلاماسىندا.
رەسمي دەرەك بويىنشا، قازاقستاندا 40 تراسسالىق مەديسينالىق-قۇتقارۋ پۋنكتى بار. ولار رەسپۋبليكانىڭ 14 وبلىسىندا ورنالاسقان.
تمقپ-نىڭ نەگىزگى مىندەتى جكو-دان زارداپ شەككەندەرگە شۇعىل مەديسينالىق كومەك كورسەتۋ بولىپ تابىلادى.
جول بويىنداعى پۋنكتتەردىڭ جۇمىسىنىڭ ارقاسىندا تمقپ جاۋاپكەرشىلىك ايماعىندا كەز كەلگەن جۇرگىزۋشى نەمەسە جولاۋشى كەز كەلگەن شۇعىل جاعدايدا بىلىكتى مەديسينالىق كومەككە كەپىلدىك بەرىلەدى جانە تەگىن الادى.
الايدا جۇرگىزۋشىلەر جولدا اباي بولۋ كەرەك، ءرۋلدىڭ ارتىندا دەمالىپ، ءقاۋىپتى مانيەۆرلەردەن اۋلاق بولۋ كەرەك جانە جىلدامدىق رەجيمىن ساقتاۋ كەرەك.