پاۆلوداردا قوعامدىق كولىكتە جول ءجۇرۋ اقىسىن 200 تەڭگەگە دەيىن كوتەرۋدى جوسپارلاپ وتىر، دەپ حابارلايدى almaty-akshamy.kz Zakon.kz. سىلتەمە جاساپ.
پاۆلودار اكىمدىگىنىڭ قاۋلىسىنىڭ جوباسى "اشىق نقا" سايتىندا جاريالانعان.
"پاۆلودار اۋماعىندا قالالىق قاتىناستاردا جولاۋشىلار مەن باگاجدى تۇراقتى ءاۆتوموبيلدى تاسىمالداۋعا سارالانعان تاريف كەلەسى مولشەردە بەلگىلەنسىن: ەلەكتروندى تولەم جۇيەسى ارقىلى، ينتەرنەت جەلىسى جانە ۇيالى بايلانىس قۇرىلعىسى ارقىلى – 100 (ءجۇز) تەڭگە، قولما-قول تولەم كەزىندە – 200 (ەكى ءجۇز) تەڭگە"، - دەلىنگەن قاۋلى جوباسىندا.
ەنگىزىلەتىن وزگەرىستىڭ نەگىزدەمەسى رەتىندە "پاۆلودار وبلىستىق كولىك جانە تاسىمالداۋشىلار وداعى" قاۋىمداستىعىنىڭ وتىن، قوسالقى بولشەكتەر، ەلەكتر ەنەرگياسى قۇنىنىڭ ۇلعايۋىنا بايلانىستى جول ءجۇرۋ ءتاريفىن كوتەرۋ تۋرالى ءوتىنىشى كورسەتىلگەن.
وسى قاۋلى العاشقى رەسمي جاريالانعان كۇننەن 10 كۇن وتكەن سوڭ قولدانىسقا ەنگىزىلەدى.
بۇعان دەيىن پاۆلودارلىق قوعامدىق كولىكتە جول ءجۇرۋ قۇنى قولما-قول اقشاسىز تولەم ءۇشىن 80 تەڭگە، قولما-قول 130 تەڭگە بولعان.