الماتىدا جول اپاتى ءجيى ورىن الدى. انتيليدەرلەردىڭ ۇشتىگىنە الماتى جانە جامبىل وبلىستارى دا كىردى.
التى اي ىشىندە ەلىمىزدە 7،9 مىڭ جول-كولىك وقيعاسى تىركەلدى. بۇل وتكەن جىلمەن سالىستىرعاندا 9،5%-عا ارتىق، دەپ حابارلايدى Almaty-akshamy.kz.
ەلىمىزدە جول اپاتىنان قازا بولعان بالالار مەن جاسوسپىرىمدەر سانى 27%-عا ارتتى.
اتالعان كەزەڭدە جول اپاتىنان سالدارىنان 11،6 مىڭ ادام زارداپ شەكتى. بۇل وتكەن جىلمەن سالىستىرعاندا 9،8%-عا كوپ. ولاردىڭ ىشىندە جارالانعاندار سانى 10،4 مىڭ ادامعا دەيىن ءوستى. ال جىل باسىنان بەرى 1،2 مىڭ ادام قازا تاپتى، بۇل وتكەن جىلمەن سالىستىرعاندا 17،4%-عا كوپ.
وڭىرلىك بولىنىستە جول اپاتىنان زارداپ شەككەندەردىڭ ەڭ كوپ سانى الماتى قالاسىندا، سونداي-اق الماتى جانە جامبىل وبلىستارىندا تىركەلدى.