ىشكى ىستەر مينيسترلىگى جول قوزعالىسىنا قاتىسۋشىلاردىڭ ءبارىن جول ەرەجەسىن ساقتاۋعا شاقىرادى، دەپ حابارلايدى اlmaty-akshamy.kz Polisia.kz-كە سىلتەمە جاساپ.
جولداعى قاۋىپسىزدىك جاعدايى ماڭىزدى جانە وزەكتى ماسەلەنىڭ ءبىرى بولىپ قالا بەرەدى.
بيىل اپاتتىڭ بارلىق كورسەتكىشى ازداپ تومەندەدى:
- جول-كولىك وقيعالارى — 4%
- وندا قازا بولعانداردىڭ سانى — 2%
- جاراقات العانداردىڭ سانى — 8%.
اتقارىلعان جۇمىس ناتيجەسىندە مىڭنان استام ازاماتتىڭ ءومىرى مەن دەنساۋلىعىنا ءقاۋىپ تونگەن جوق.
«مەن اتا-انالارعا، تاربيەشىلەرگە، ۇستازدارعا جانە ەلىمىزدىڭ ەرەسەك تۇرعىندارىنا ۇندەۋ جاساعىم كەلەدى. وسكەلەڭ ۇرپاقتىڭ قاۋىپسىزدىگى ءبىزدىڭ قولىمىزدا ەكەنىن ۇمىتپايىق! جالپى كورسەتكىشتەردىڭ تومەندەۋىنە قاراماستان، بيىل دا جول اپاتى سالدارىنان بولعان جاسوسپىرىمدەر ءولىمىنىڭ كورسەتكىشى بۇرىنعىداي جوعارى دەڭگەيدە قالىپ وتىر. توعىز اي ىشىندە جول اپاتىنان 210 بالا كوز جۇمعان، بۇل وتكەن جىلمەن سالىستىرعاندا 16%-عا كوپ»، — دەيدى ق ر ءىىم اپك ەرەكشە تاپسىرمالار جونىندەگى اعا ينسپەكتورى اقتوتى بورانوۆا.
بالالار — جول جۇرىسىنە قاتىسۋشىلاردىڭ ەڭ وسال ساناتتارىنىڭ ءبىرى. سوندىقتان بالالار مەن جاسوسپىرىمدەردىڭ جول ءجۇرىسى قاعيدالارىن بۇزباۋىن ءتۇسىندىرۋ، ەرەجە بۇزۋ جايتتەرىنە كۋا بولعان جاعدايدا ونىڭ الدىن الۋ — ءاربىر ەرەسەك ادامنىڭ مىندەتى.
«پوليسيانىڭ جىل سايىن حالىقپەن جۇرگىزىپ جاتقان ءتۇسىندىرۋ جۇمىستارىنا قاراماستان، ءبىز بالالاردىڭ قاۋىپسىزدىگىنە ءقاۋىپ توندىرەتىن ەسكى ماسەلەلەرمەن ءالى دە كەزىگۋدەمىز. بۇل — جول-كولىك وقيعالارى. جول اپاتىنان زارداپ شەككەن بالالاردىڭ جارتىسىنان كوبى جولاۋشىلار، ال قالعان بولىگى — جاياۋ جۇرگىنشىلەر ەكەنىن اتاپ وتكەن ءجون»، — دەدى بورانوۆا.
سپيكەردىڭ ايتۋىنشا، كوپ جاعدايدا زارداپ شەككەن بالالاردى ەرەسەكتەر اۆتوكولىكتە تاسىمالداۋ ەرەجەلەرىن بۇزىپ، بالالاردى اۆتوكرەسلوسىز، بۋستەرسىز، اداپتەرسىز نەمەسە مۇلدەم بەكىتىلمەگەن كۇيدە تاسىمالدايدى.
«بالالار ەرەسەكتەردىڭ مىنەز-قۇلقىن قايتالايدى، سول سەبەپتى رۇقسات ەتىلگەن جانە ءقاۋىپسىز جەردەن ەمەس، ءوزى قالاعان جەردە جولدى كەسىپ ءوتۋ دەرەكتەرى كەزدەسىپ جاتادى. ەرەسەكتەر بالالارعا ەلەكتروساموكاتتاردى، موپەدتەردى، ەلەكترلى ۆەلوسيپەدتەردى وزدەرى ساتىپ الىپ بەرەدى دە، ءبىراق ولاردى قالاي ءقاۋىپسىز پايدالانۋ كەرەكتىگىن تۇسىندىرمەيدى. قاراپايىم جول ەرەجەلەرىن ءتۇسىندىرۋ جانە ەرەسەكتەردىڭ ولاردى ساقتاۋداعى ۇستانىمى ءسىزدىڭ بالاڭىزدىڭ نەمەسە جاقىن تۋىسىڭىزدىڭ ءومىرىن ساقتاپ قالۋى مۇمكىن. ەگەر ءسىزدىڭ كوزىڭىزشە بالالار جول ەرەجەسىن بۇزسا، بىرەر مينۋت ۋاقىتىڭىزدى ءبولىپ، بالاعا ونىڭ ەرەجە بۇزعانىن تۇسىندىرە كەتىڭىز. ءبىر، ەكى نەمەسە ءۇش مينۋت ۋاقىتىڭىز جۇمىسىڭىزعا قاتتى اسەر ەتپەيدى، ال بالا ءۇشىن ەرەسەك ادامنىڭ ەسكەرتۋى ءومىر بويى ەستە قالادى. مىنە، وسى دۇنيەلەر تالىم-تاربيە ەلەمەنتتەرى بولىپ تابىلادى جانە قوعامنىڭ «نولدىك توزىمدىلىك» ءپرينسيپىن كورسەتەدى. ال ءوز كەزەگىندە مينيسترلىك جولداعى بالالار ءولىمىن ازايتۋ، قۇقىقتىق اعارتۋ، بالالاردىڭ جول-كولىك وقيعالارىندا جاراقاتتانۋىنىڭ الدىن الۋ جونىندەگى شارالاردى جالعاستىراتىن بولادى. قۇرمەتتى جول جۇرىسىنە قاتىسۋشىلار، بارلىقتارىڭىزدى قاراپايىم جول ەرەجەلەرىن ساقتاۋعا شاقىرامىز. اسىقپاڭىز، اپتىقپاڭىز! بالالاردىڭ قاۋىپسىزدىكتە بولۋىن قاداعالاڭىز، ۇنەمدەلگەن سەكۋندتار مەن مينۋتتار تاۋەكەلگە تۇرارلىق نارسە ەمەس! ويتكەنى ءسىزدىڭ ءومىرىڭىز بەن بالالارىڭىزدىڭ ومىرىنەن ماڭىزدى ەشتەڭە جوق!» — دەدى پوليسيا پودپولكوۆنيگى.