بۇل تۋرالى الماتى قالاسىنىڭ وڭىرلىك كوممۋنيكاسيالار قىزمەتى الاڭىندا ايتىلدى، دەپ حابارلايدى اlmaty-akshamy.kz.
الماتى - ەلىمىزدەگى جول اكتيۆتەرىنىڭ ساپاسى ۇلتتىق ورتالىعى جۇمىسىن باستاعان العاشقى قالالاردىڭ ءبىرى. «جول اكتيۆتەرىنىڭ ساپاسى ۇلتتىق ورتالىعى رمك الماتى فيليالىنىڭ ديرەكتورى ماۋلەن اليپوۆ 2022 جىلى كاسىپورىن فيليالى الماتى قالاسى قالالىق موبيلدىلىك باسقارماسىمەن جاسالعان شارتتار شەڭبەرىندە 473 تەكسەرىستى جۇزەگە اسىردى. ونىڭ ناتيجەسىندە 356 بۇزۋشىلىق انىقتالدى، جول-قۇرىلىس ماتەريالدارىنىڭ 1562 سىناماسى ىرىكتەلدى جانە سىنالدى، ونىڭ 795ء-ى نەمەسە 51% - ى تالاپتارعا سايكەس كەلمەيدى.
ونىڭ ىشىندە ينجەنەرلىك كوممۋنيكاسيالار جۇرگىزىلگەننەن كەيىن اسفالتبەتون جابىنىن قالپىنا كەلتىرۋ وبەكتىلەرى بويىنشا 40 تەكسەرىس جۇزەگە اسىرىلدى، جول-قۇرىلىس ماتەريالدارىنىڭ 109 سىناماسى ىرىكتەلىپ، سىنالدى. ونىڭ ىشىندە 39 سىناما تالاپتارعا ساي كەلمەيدى.
«ءبىز قالا قۇرىلىسىن باقىلاۋ باسقارمالارىنا نۇسقامالار جىبەردىك، ولار بويىنشا 11،18 ملن.تەڭگە سوماسىنا ايىپپۇل سانكسيالارى تۇرىندە شارالار قابىلداندى. 1 مەردىگەرلىك ۇيىمنىڭ ليسەنزياسىنان ايىردى، سونداي-اق تەحنيكالىق قاداعالاۋدىڭ 2 ينجەنەرىنىڭ اتتەستاتتارى توقتاتىلدى»، - دەدى م.اليپوۆ.
ماتەريالدار بويىنشا ينجەنەر ەسكەندىر سادىعۇلوۆ 2021 جىلدىڭ 1 شىلدەسىنەن باستاپ "قازدورلاب" باعدارلامالىق ءونىمىنىڭ پلانشەتى مەن ءموبيلدى نۇسقاسىن ەنگىزۋ ارقىلى فيليال ماماندارى جۇرگىزەتىن زەرتحانالىق سىناقتاردىڭ اۆتوماتتاندىرىلعان ساراپتاماسى بويىنشا فۋنكسيالار ەنگىزىلگەنىن حابارلادى.
«پلانشەتكە Face ID كومەگىمەن بەكىتىلگەن ساراپشى عانا قول جەتكىزە الادى، دەرەكتەردى سەرۆەرگە بەرۋ ينجەنەردىڭ ورنالاسقان جەرىن كورسەتە وتىرىپ، ونلاين رەجيمىندە جۇزەگە اسىرىلادى، بۇل ساراپتاما ناتيجەلەرىنە تۇزەتۋلەر ەنگىزۋ مۇمكىندىگىن بولدىرمايدى»، - دەدى ە.سادىعۇلوۆ.
جۇمىستىڭ قاداعالانۋى مەن اشىقتىعى، ونىڭ ىشىندە وبەكتىگە گەولوكاسيالىق بايلانىستىرۋ، فوتو-بەينە تىركەۋ جانە ساراپتاما پروسەسىنە قاتىسۋشىلاردىڭ بارلىعىنىڭ ەلەكتروندىق-سيفرلىق قولتاڭباسىمەن بەكىتۋ ارقىلى قامتاماسىز ەتىلدى.