بيىل ەلىمىزدە زەينەتاقى قانشا بولادى؟

ەڭ تومەنگى تولەم مولشەرى 8،5%-عا ءوسىپ، 28 396،9 تەڭگە (70 % * 40 567) بولدى.

بيىلدان باستاپ 2018 جىلدىڭ 1 قاڭتارىنان كەيىن زەينەتكەرلىككە شىققان زەينەتكەرلەرگە بجزق تولەيتىن تولەمدەر 5%-عا ءوستى، دەپ حابارلايدى Almaty-akshamy.kz

بجزق مالىمەتىنشە، زەينەتاقى تولەمدەرى ق ر ۇكىمەتىنىڭ قاۋلىسىمەن بەكىتىلگەن ادىستەمەگە سايكەس جۇزەگە اسادى.

بۇل ادىستەمە بويىنشا زەينەتكەرلەرگە تولەمدەر بىلاي ەسەپتەلەدى: تولەمدەردى قابىلداۋدىڭ ءبىرىنشى جىلىندا زەينەتاقى جيناقتارىنىڭ سوماسى زەينەتاقى جيناقتارىنىڭ تولەم مولشەرلەمەسىنە – 6،5%-عا كوبەيتىلىپ، 12-گە بولىنەدى.

جەكەلەگەن ساناتتارداعى الۋشىلار ءۇشىن: مەرزىمسىز بەلگىلەنگەن 1 نەمەسە 2 توپتاعى مۇگەدەكتىگى بارلار، زيان جانە ءقاۋىپتى وندىرىستەردە جۇمىس ىستەگەن، جيناعى جيىنتىقتا كەمىندە 60 اي بويى مىندەتتى كاسىپتىك زەينەتاقى جارنالارى ەسەبىنەن قالىپتاستىرىلعان ادامدار، اي سايىنعى زەينەتاقى تولەمىنىڭ مولشەرىن ارتتىراتىن تۇزەتۋ كوەففيسيەنتتەرى قاراستىرىلعان. جوعارىدا كورسەتىلگەن شارتتاردىڭ بىرەۋىنەن ارتىق جاۋاپ بەرەتىن تۇلعالار ءۇشىن ەڭ جوعارى مانگە يە تۇزەتۋ كوەففيسيەنتى قولدانىلادى.

بۇل رەتتە، بجزق-دان اي سايىنعى زەينەتاقى تولەمى رەسپۋبليكالىق بيۋدجەت تۋرالى زاڭدا ءتيىستى قارجى جىلىنا بەلگىلەنگەن ەڭ تومەن كۇنكورىس دەڭگەيىنىڭ كەمىندە 70%-ى مولشەرىندە جۇرگىزىلەدى (2023 جىلى ەڭ تومەنگى كۇنكورىس دەڭگەيى 40 567 تەڭگە) .

تيىسىنشە، جىل باسىنان بەرى بجزق-دان ەڭ تومەنگى تولەم مولشەرى 8،5% ءوسىپ، 28 396،9 تەڭگە (70 % * 40 567) بولدى. ودان كەيىنگى جىلدارى اي سايىنعى زەينەتاقى تولەمىنىڭ مولشەرى زەينەتاقى تولەمدەرىن يندەكستەۋ كورسەتكىشىنە – 5%-عا وسەدى.

ەگەر ءوتىنىش بەرگەن كۇنگى جاعداي بويىنشا زەينەتاقى جيناقتارىنىڭ سوماسى ءتيىستى قارجى جىلىنا ارنالعان رەسپۋبليكالىق بيۋدجەت تۋرالى زاڭدا بەلگىلەنگەن ەڭ تومەنگى زەينەتاقىنىڭ ون ەكى ەسەلەنگەن مولشەرىنەن اسپاسا، وندا بۇل سوما الۋشىعا بجزق-دان تولەنەدى. مۇنى قورداعىلار ءتۇسىندىردى. (2023 جىلى ءبىرجولعى زەينەتاقى تولەمى 636 912 تەڭگە = 12 * 53 076 تەڭگە بولدى).

2018 جىلعى 1 قاڭتارعا دەيىن زەينەتكە شىققان جانە بجزق-دان زەينەتاقى تولەمدەرىن العان قازاقستاندىقتار ءۇشىن زەينەتاقى تولەمدەرى زەينەتاقى تولەمدەرىن تاعايىنداۋ كەزىندە قولدانىستا بولعان ادىستەمە بويىنشا ەسەپتەلەدى: جىلدىق زەينەتاقى تولەمىنىڭ سوماسى ەسەپتەلەدى جانە جۇزەگە اسىرىلادى. ەڭ تومەنگى زەينەتاقىنىڭ وتىز ەسەلەنگەن مولشەرىنىڭ ەڭ ۇلكەنىنەن (2023 جىلى – 1 592 280 تەڭگە =30*53 076 تەڭگە) جانە زەينەتاقى جيناقتارىنىڭ سوماسى مەن ءتيىستى جاستاعى زەينەتاقى جيناقتارىنىڭ قازىرگى قۇنىنىڭ كوەففيسيەنتىنىڭ كوبەيتىندىسى رەتىندە ەسەپتەلگەن سومادان اسپاۋى كەرەك.