ول بولاشاق ماماندىقتى تاڭداۋ بارىسىندا جاستاردى قولداۋعا باعىتتالعان.
قوسىمشا جاستارعا رەسپۋبليكانىڭ وقۋ ورىندارى، مەملەكەتتىك جانە باسقا دا گرانتتىق باعدارلامالار تۋرالى تولىق اقپارات الۋعا، سونداي-اق وڭىرلەردەگى بوس جۇمىس ورىندارى تۋرالى اقپارات الۋعا مۇمكىندىك بەرەدى، دەپ حابارلايدى Almaty-akshamy.kz
ازاماتتىق باستامالاردى قولداۋ ورتالىعىندا «كاسىپتىك باعدار بەرۋگە، جاستاردى ەڭبەك نارىعىنىڭ قاجەتتىلىكتەرى تۋرالى اقپاراتتاندىرۋعا باعىتتالعان ءىس-شارالاردى جۇزەگە اسىرۋ» جوباسى تانىستىرىلدى.
قازاقستان ستۋدەنتتەر اليانسىنىڭ پرەزيدەنتى ءىلياس تۇستىكبايەۆتىڭ ايتۋىنشا، گرانتتىق جوبا اياسىندا ەلىمىزدە العاش رەت تالاپكەرلەرگە قاجەتتى اقپارات جينالعان قوسىمشا پايدا بولادى.
«بىزگە تالاپكەرلەر تاراپىنان جوو، كوللەدج سايتتارىنا شاعىمدار كوپ كەلەدى. جاستار وزدەرىنە قاجەتتى اقپاراتتى تابا المايتىندىعىن، كەيبىر سايتتاردىڭ قۇرىلىمى وتە كۇردەلى ەكەندىگىن ايتادى. وسىنى ەسكەرىپ، ءبىز بيىل جاڭا قوسىمشانى ازىرلەۋدى ۇيعاردىق. وندا ەلىمىزدىڭ جوعارى وقۋ ورىندارى، كوللەدجدەرى، مەملەكەتتىك جانە باسقا دا ءبىلىم بەرۋ گرانتتارى، ستيپەنديالار، سونداي-اق، ايماقتارداعى بوس جۇمىس ورىندارى تۋرالى اقپارات ۇسىنىلادى. قوسىمشانى ازىرلەۋ ماقساتىندا ءبىز «اتامەكەن» ۇكپ، ق ر ءبىلىم جانە عىلىم مينيسترلىگى، ۋنيۆەرسيتەتتەر، كوللەدجدەر، ءبىلىم باسقارمالارى، وڭىرلەردىڭ جۇمىسپەن قامتۋ ورتالىقتارىنىڭ ماماندارىن جۇمىسقا تارتۋدى جوسپارلاپ وتىرمىز. ءبىزدىڭ قوسىمشامىز جوعارى سىنىپ وقۋشىلارىنا بولاشاق ماماندىعىن، وقۋ ورنىن تاڭداۋعا كومەكتەسەدى دەپ ويلايمىز»، - دەپ اتاپ ءوتتى ءىلياس تۇستىكبايەۆ .
جاڭا قوسىمشا مەملەكەتتىك جانە ورىس تىلدەرىندە قولجەتىمدى بولادى. جوبانى ۇيىمداستىرۋشىلار ونى الداعى بىر-ەكى اي ىشىندە ىسكە قوسۋدى جوسپارلاپ وتىر.
ايتا كەتەيىك، «كاسىپتىك باعدار بەرۋگە، جاستاردى ەڭبەك نارىعىنىڭ قاجەتتىلىكتەرى تۋرالى اقپاراتتاندىرۋعا باعىتتالعان ءىس-شارالاردى جۇزەگە اسىرۋ» جوباسى 2022 جىلدىڭ سوڭىنا دەيىن جالعاسادى.