ولار ءوز بەلسەندىلىكتەرىن تانىتتى.
الماتى قالاسىندا ورنالاسقان 5571 اسكەري ءبولىمنىڭ جاۋىنگەرلەرى ، دونورلار كۇنىن ۇيىمداستىرىپ، قان تاپسىردى، دەپ حابارلايدى Almaty-akshamy.kz.
اسكەري ءبولىمىنىڭ ۇلاندارى قالا تۇرعىندارىنىڭ قاۋىپسىزدىگى مەن تىنىشتىعىن قورعاپ،قوعامدىق ءتارتىپتى عانا قامتاماسىز ەتىپ قويمايدى، ولار قوعام ومىرىندەگى وزەكتى دە الەۋمەتتىك ماسەلەلەرگە دە ءوز ۇلەستەرىن قوسىپ، تۇرعىنداردىڭ ومىرلەرىن ساقتاۋعا دا قولۇشىن سوزىپ تۇرادى. سونداي ءىس-شارالار بارىسىندا 5571 اسەري ءبولىمنىڭ جاۋىنگەرلەرى وتان قورعاۋشىلار كۇنى مەن ۇلى جەڭىس مەرەكەسىنە وراي، الماتى قالالىق قان ورتالىعىمەن بىرلەسىپ، دونورلار كۇنىن ۇيىمداستىرىپ، قان تاپسىردى. قان تاپسىرىپ، وزگەگە ءومىر سىيلاۋدى وزدەرىنىڭ ازاماتتىق بورىشتارىنىڭ ءبىر پارازى عانا ەمەس، قايىرىمدىلىق جاساۋداعى ەڭ ساۋاپتى ىستەردىڭ ءبىرى سانايتىن جاۋىنگەرلەر قالالىق قان ورتالىعىنىڭ باستاماسىنا ءبىراۋىزدان قولداۋ ءبىلدىرىپ، قان تاپسىرۋدا ءوز بەلسەندىلىكتەرىن تانىتتى.
«بۇل اسكەري ءبولىمنىڭ جاۋىنگەرلەرى الدىن الا كەلىسىلگەن جوساپارلارعا سايكەس، دونورلار كۇنىن ءجيى ۇيىمداستىرىپ تۇرادى. وتان قورعاۋشىلار كۇنى مەن ۇلى جەڭىس مەرەكەسى قارساڭىندا ءبولىم باسشىلارى تاعىدا باستاما كوتەرىپ، قان تاپسىرۋعا نيەت بىلدىرگەن بولاتىن. ورتالىقتىڭ باسشىلىعى مەن قان جيناقتاۋ بويىنشا ۇيىمداستىرىلعان كوشپەلى توبى 5571 اسكەري ءبولىمنىڭ جاۋىنگەرلەرىنىڭ باستاماسىن قۋانا قابىلدادى».– دەيدى ورتالىقتىڭ دونورلاردى جيناقتاۋ ءبولىمىنىڭ ناسيحات جانە ۇيىمداستىرۋ ءبولىمىنىڭ جەتەكشى مامانى كۇلاش ناسرەدينوۆا.
وتان قورعاۋشىلار كۇنى مەن جەڭىس مەرەكەسىن وسىنداي قايىرىملىق شارالارىمەن اتاپ ءوتۋدى ءجون كورگەن جاۋىنگەرلەر مەن اسكەري قىزمەتكەرلەر ءۇشىن وزدەرى تاپسىرعان قاننىڭ اۋرۋحانالارداعى اۋىر حالدە جاتقان ناۋقاستار مەن جازاتايىم جازىمعا ۇشىراپ، قان قاجەت بولىپ جاتقان ادامدارعا جاردەمى تيسە، بىزگە ودان وتكەن ولجا جوق .
«ويتكەنى، ءبىزدىڭ قوعامنىڭ باستى بايلىعى دەنى ساۋ، ون ەكى مۇشەسى ساۋ ادام»،– دەيدى وسى قايىرىمدىلىق شاراسىن ۇيىمداستىرۋعا ۇيىتقى بولا بىلگەن ءبولىم كومانديرى باقداۋلەت وسپانبەكوۆ.
الماتى قالالىق قان ورتالىعىنىڭ ديرەكتورى جاندوس ناديروۆ جاۋىنگەرلەردى بەلسەندىلىكپەن قان تاپسىرۋعا جۇمىلدىرا بىلگەن ءبولىم كومانديرى باقدااۋلەت وسپانبەكوۆكە، ءبولىمنىڭ سانيتارلىق نۇسقاۋشىلارى كۇلشات احىنوۆا مەن فاريدا مانگاتاۆاعا العىس ءبىلدىردى.
