عىلىم جانە جوعارى ءبىلىم ءمينيسترى ساياسات نۇربەك سەمەيدە وتكەن ەلدىڭ جوعارى وقۋ ورىندارى قاۋىمداستىعىنىڭ جالپى جينالىسىندا وسىنداي جاڭالىقتى جەتكىزدى.
ۆەدومستۆو باسشىسىنىڭ ايتۋىنشا، پيلوتتى جوبا الەمگە ايگىلى «Google» كومپانياسىمەن بىرلەسە جۇزەگە اسىرىلادى. قازىرگى ۋاقىتتا 14 ۋنيۆەرسيتەتكە 750 ليسەنزيا بەرىلدى، دەپ حابارلايدى Almaty-akshamy.kz 24.kz-كە سىلتەمە جاساپ.
«ول پيلوتتى جوبا جاقسى جۇزەگە اسسا، كەلەسى جىلدان باستاپ بۇكىل جوعارى وقۋ ورىندارىنا وسى كۋرستى بەرەمىز. مىندەتتى تۇردە بۇكىل وقۋشىلارىمىز، ستۋدەنتتەرىمىز ونى وقۋ كەرەك. جانە دە بۇل وتە جاقسى جاسالعان، قۇراستىرىلعان كۋرس. ءار ادامعا جاساندى ينتەلەكتىنىڭ نە ەكەنىن، الگوريتمدەردىڭ نە ەكەنىن، ونى قالاي كۇندەلىكتى ومىردە قولدانۋعا بولاتىنىن تۇسىندىرەتىن كۋرس»، - دەدى ق ر عىلىم جانە جوعارى ءبىلىم ءمينيسترى ساياسات نۇربەك.