پارلامەنت سەناتىنىڭ دەپۋتاتتارى 29 ماۋسىمداعى جالپى وتىرىستا جوعارعى سوتتىڭ جاڭا بەس سۋدياسىن سايلادى.
پرەزيدەنت سەناتورلارعا جوعارعى سوت سۋدياسى لاۋازىمدارىنا كانديداتتاردى بالامالى نەگىزدە سايلاۋ تۋرالى ۇسىنىس ەنگىزدى، دەپ حابارلايدى Almaty-akshamy.kz.
داۋىس بەرۋ ناتيجەسىندە كەلەسى لاۋازىمدار الىندى:
ەرلان ايتجانوۆ – الماتى قالالىق سوتىنىڭ سۋدياسى؛
ءالجانوۆ عابيت ءومىرحان ۇلى – پاۆلودار وبلىستىق سوتىنىڭ سۋدياسى؛
گۇلميرا يسامبەرلييەۆا – اتىراۋ وبلىستىق سوتىنىڭ سۋدياسى؛
ەرلان قوسمۇراتوۆ – قىلمىستىق ىستەر جونىندەگى سوت القاسىنىڭ ءتوراعاسى؛
نۇرلان قۇرمانعالييەۆ – الماتى قالالىق سوتىنىڭ سۋدياسى.
«ولاردىڭ بارلىعىنىڭ اۋداندىق دەڭگەيدە دە، وبلىستىق دەڭگەيدە دە تاجىريبەسى بار. قۇرمەتتى دەپۋتاتتار، مەملەكەت باسشىسىنىڭ جوعارىدا اتالعان بەس لاۋازىمعا كانديداتتاردى سايلاۋ تۋرالى يدەياسىن قولداۋلارىڭىزدى سۇرايمىن»، دەدى سەنات دەپۋتاتى دەنيس شيپپ.
16 ماۋسىمدا سەنات دەپۋتاتتارى اقمولا وبلىستىق سوتىنىڭ ءتوراعاسى ءامىر دوسجان سارمانقۇلۇلىن جانە قىزىلوردا وبلىستىق سوتىنىڭ ءتوراعاسى نۇرىشيەۆ قامبار جۇمابايۇلىن جوعارعى سوتتىڭ سۋدياسى ەتىپ سايلادى.