22 جاسار جىگىت 11-قاباتتاعى پاتەرگە زاڭسىز كىرىپ، التىن بۇيىمداردى ۇرلاپ كەتتى دەگەن كۇدىكپەن ۇستالدى.
الماتى پوليسەيلەرى قىلمىستىق ارەكەتى ەرەكشە 22 جاسار جاس جىگىتتى ۇستادى، دەپ حابارلايدى Almaty-akshamy.kz.
ىشكى ىستەر مينيسترلىگىنىڭ رەسمي سايتىنداعى مالىمەت بويىنشا، كوبىنەسە جاس جىگىت بوتەن ادامداردىڭ ۇيلەرىنە تەرەزە ارقىلى ەنەدى، بۇل پاتەرلەر ۇيلەردىڭ جوعارعى قاباتتارىندا ورنالاسادى.
«ءبىزدىڭ بولىمشەنىڭ كريمينالدىق پوليسيا قىزمەتكەرلەرى 1999 جىلى تۋعان ك. ەسىمدى ازاماتتى ۇستادى. قىلمىستاردىڭ جاسالۋ ادىسىنە قاراعاندا، جىگىت وسىعان ۇقساس بىرنەشە ۇرلىققا قاتىسى بولۋى مۇمكىن. ونىڭ سوڭعى ەپيزودى ناۆوي كوشەسىندە ورنالاسقان تۇرعىن ءۇي كەشەندەرىنىڭ بىرىندە بولدى. ول تەرەزە جاقتاۋىن قىسىپ الۋ ارقىلى عيماراتتىڭ 11-قاباتىنداعى پاتەرگە زاڭسىز كىرگەن جانە سول جەردەن جاسىرىن تۇردە ءىرى كولەمدەگى التىن بۇيىمداردى ۇرلاپ كەتكەن. ءقازىر ءبىز ونىڭ تەرەزەدەن قالاي ۇرلىق جاساعانىن جانە بۇل قىلمىستاردى قانشالىقتى ءجيى جاساعانىن انىقتاپ جاتىرمىز. ايتپاقشى، كۇدىكتى بۇرىندارى ق ر قك-نىڭ 188-بابى بويىنشا جاۋاپقا تارتىلعان»، – دەپ حابارلادى بوستاندىق اۋداندىق پب باستىعى باتۋر ابدۋماساروۆ.
