قازاقستاندىق تۇرعىن ۇي-كوممۋنالدىق شارۋاشىلىقتى جاڭعىرتۋ جانە دامىتۋ ورتالىعى «اتامەكەن» ۇكپ بىرلەسىپ، ۆ2ۆ فورماتىندا جوبالاۋشى كومپانيالار مەن كارىز تازارتۋ جۇيەلەرىنە ارنالعان جابدىقتاردى دايىندايتىن وتاندىق وندىرۋشىلەرمەن كەزدەسۋ ۇيىمداستىردى، دەپ حابارلايدى Almaty-akshamy.kz.
كەزدەسۋ قر ۇكىمەتى قابىلداعان تۇرعىن ۇي-كوممۋنالدىق ينفراقۇرىلىمدى دامىتۋ تۇجىرىمداماسى بويىنشا كتج جوبالارىن ىسكە اسىرۋدىڭ ورتالىق ۇيلەستىرۋشىسى رەتىندە ۇيىمداستىرىلدى. ءىس-شارا جوبالاردى ىسكە اسىرۋ پروسەستەرىنىڭ اشىقتىعى مەن تيىمدىلىگىن قامتاماسىز ەتۋگە، سونداي-اق كتج سالىپ، جاڭعىرتۋ ماسەلەلەرىنە بيزنەستى تارتۋعا، وتاندىق وندىرۋشىلەءردىڭ جوبالارىنا بارىنشا قاتىسىپ،قولداۋعا باعىتتالعان.
قاتىسۋشىلار جوبالاردى ىسكە اسىرۋ ماسەلەسىندە «قازورتالىقتىڭ» اشىق ۇستانىمىنىڭ ماڭىزدىلىعىن اتاپ ءوتتى جانە وسىنداي ءىس-شارالاردى تۇراقتى نەگىزدە ۇيىمداستىرۋ قاجەتتىگىن، وسى ارقىلى ءتيىمدى شەشىمدەردى انىقتاۋ ءۇشىن سالا قاتىسۋشىلارىنىڭ حاباردارلىعىن، تارتىلۋىن جانە باسەكەلەستىگىن ارتتىرۋدىڭ ماڭىزدىلىعىنا توقتالدى.
ءقازىر وڭىرلەردە قولعا الىنعان كتج-نە بايلانىستى 68 جوبا تۋرالى مالىمەت ورتالىقتىڭ سايتىندا قولجەتىمدى ەكەنىن ايتا كەتەيىك.