الماتى قالاسى ادىلەت دەپارتامەنتىنىڭ وكىلدەرى وڭىرلىك كوممۋنيكاسيالار قىزمەتىنىڭ بريفينگىندە جەكە سوت ورىنداۋشىلارىنىڭ قىزمەتى تۋرالى ايتىپ بەردى، دەپ حابارلايدى almaty-akshamy.kz
ۆەدومستۆونىڭ كەلتىرگەن دەرەكتەرىنە ساي، بارلىعى جەكە سوت ورىنداۋشىلارىنىڭ ورىنداۋىندا جالپى سوماسى تەڭگەگە 520 مىڭنان استام اتقارۋشىلىق ءىس جۇرگىزىلدى، ونىڭ ىشىندە 200 مىڭنان استامى اياقتالدى. الماتى قالاسى بويىنشا 310 جەكە سوت ورىنداۋشىسى تىركەلگەن.
«جەكە سوت ورىنداۋشىلارى قىزمەتىنىڭ نەگىزى سوت اكتىلەرىن ماجبۇرلەپ ورىنداۋ بولىپ تابىلادى. جەكە سوت ورىنداۋشىلارى «اتقارۋشىلىق ءىس جۇرگىزۋ جانە سوت ورىنداۋشىلارىنىڭ مارتەبەسى تۋرالى» زاڭدى باسشىلىققا الادى، وندا سوت اكتىلەرىن ورىنداۋ ءۇشىن جەكە سوت ورىنداۋشىلارىنىڭ ىس-ارەكەتتەرى كوزدەلەدى. زاڭنىڭ 32-بابىندا بورىشكەردىڭ مۇلكىنە تىيىم سالۋ، بانكتىك شوتتار، بورىشكەردىڭ جىلجىمالى مۇلكىن الىپ قويۋ، بورىشكەردىڭ مۇلكىن مورلەۋ، قۇقىق بەلگىلەيتىن قۇجاتتاردى الىپ قويۋ جانە ت.ب. سياقتى ماجبۇرلەۋ شارالارى كوزدەلگەن»، - دەدى ادىلەت دەپارتامەنتىنىڭ اتقارۋشىلىق ءىس جۇرگىزۋدى قامتاماسىز ەتۋ ءبولىمىنىڭ باسشىسى ءانۋار جەكسەكوۆ.
ماسەلەن، مىسالى، بورىشكەرلەردىڭ شوتتارىندا اقشا قاراجاتى بولعان جاعدايدا، سوت ورىنداۋشىسى ينكاسسالىق وكىم شىعارادى، سودان كەيىن اقشا قاراجاتى ءوندىرىپ الۋشىنىڭ شوتىنا اۋدارىلادى. ەگەر بورىشكەردىڭ اقشالاي قاراجاتى بولماسا، وندا سوت ورىنداۋشىسى جىلجىمالى نەمەسە جىلجىمايتىن مۇلىكتى وتكىزۋ جونىندە شارالار قابىلدايدى.
بورىشكەردىڭ مۇلكىن وتكىزۋ مۇلىكتى باعالاۋ جانە كەيىننەن ونى ەلەكتروندىق اۋكسيون نىسانىندا ساۋدا-ساتتىققا شىعارۋ جولىمەن جۇزەگە اسىرىلادى.
«بورىشكەردىڭ اقشا قاراجاتى مەن ءوندىرىپ الۋعا بولاتىن مۇلكى بولماعان جاعدايلار سيرەك ەمەس. مۇنداي جاعدايدا سوت ورىنداۋشىلارى اكىمشىلىك قۇقىق بۇزۋشىلىق تۋرالى كودەكستەرمەن جانە ق ر قىلمىستىق كودەكسىمەن رەگلامەنتتەلگەن سوت اكتىلەرىن ورىنداماعانى ءۇشىن اكىمشىلىك نە قىلمىستىق جاۋاپتىلىققا جۇگىنەدى»، - دەپ ءتۇسىندىردى سپيكەر.
سوت اكتىلەرىن ورىنداۋ كەزىندە ىستەردىڭ الەۋمەتتىك ماڭىزدى ساناتىنا جاتاتىن ءىس جۇرگىزۋ، كوشىرۋ، جالاقىنى ءوندىرىپ الۋ جانە اليمەنت بار. دەپارتامەنت دەرەگىنشە، ۇيدەن شىعارۋ بويىنشا بارلىعى 387 اتقارۋشىلىق ءوندىرىس ورىندالدى، ونىڭ 164ء-ى اياقتالدى، 107ء-سى ناقتى ورىندالدى.
جالاقى بويىنشا بارلىعى 778 اتقارۋشىلىق ءوندىرىس ورىندالدى، ونىڭ 397ء-سى اياقتالدى، 340-ى ناقتى ورىندالدى. اليمەنت بويىنشا بارلىعى 17799 اتقارۋشىلىق ءوندىرىس ورىندالدى، ونىڭ 2 599-ى اياقتالدى، 65ء-ى ناقتى ورىندالدى. سونداي-اق، مەرزىمدى ورىنداۋدا (جالاقىدان) - 6 642؛ بورىشكەرلەر دەربەس تولەيدى - 4 687؛ پروبلەمالىق اليمەنت شامامەن 1 000 ءوندىرىستى قۇرايدى.
«الايدا، سوت شەشىمدەرىن، سونىڭ ىشىندە اليمەنت بويىنشا شەشىمدەردى ورىنداۋ كوپتەگەن قيىندىقتارمەن بايلانىستى، مىسالى، بورىشكەردىڭ قولما-قول اقشاسىنىڭ بولماۋى، جاۋاپكەردىڭ تۇرعىلىقتى جەرىن بەلگىلەمەۋ، تۇراقتى جۇمىس ورنىنىڭ بولماۋى، ءوندىرىپ الۋعا بولاتىن مۇلىك جانە ت.ب. اليمەنت تولەۋدى قامتاماسىز ەتۋ ءۇشىن بورىشكەرلەردى جۇمىسقا ورنالاستىرۋ قاجەت. ەگەر بورىشكەر جۇمىسقا ورنالاسۋدان باس تارتقان جاعدايدا، زاڭدا اكىمشىلىك جانە قىلمىستىق جاۋاپكەرشىلىك كوزدەلگەن»، - دەپ ەسكە سالدى ۆەدومستۆودا.