وعان 367 ميلليون تەڭگەدەن استام قارجىنى ۇرلادى دەپ ايىپ تاعىلعان.
شىمكەنتتىڭ قىلمىستىق ىستەر جونىندەگى اۋدانارالىق سوتى ءدال جينالىس بولىپ جاتقان كەزىندە ۇستالعان شەنەۋنىككە قاتىستى ۇكىم شىعاردى، دەپ حابارلايدى aqshamnews.kz
سوتتىڭ دەرەگىنە سەنسەك، تۇرعىن ءۇي باسقارماسى باسشىسىنىڭ ورىنباسارى كوپقاباتتى تۇرعىن ۇيلەردى جوندەۋگە جانە ولاردىڭ سەيسميكالىق توزىمدىلىگىنە تەحنولوگيالىق ساراپتاما جۇرگىزۋگە بولىنگەن 367 ميلليون تەڭگەدەن استام قارجىنى ۇرلادى دەپ ايىپتالدى. تەرگەۋشىلەردىڭ ايتۋىنشا، ول ۇرلانعان اقشانى مونشا كەشەنىن سالىپ، ونى اتا-اناسىنىڭ اتىنا راسىمدەگەن، سول سەبەپتى وعان دا قىلمىستىق كىرىستى زاڭداستىرۋ بابى بويىنشا ايىپ تاعىلعان. ونىمەن بىرگە اقشاسىن قايتارىپ العان جەكە كاسىپكەر ۇرلىق جاساعانى ءۇشىن سوتتالدى.
«سوتتالۋشىلاردىڭ كىناسى كۋالاردىڭ ايعاقتارىمەن، زاتتاي دالەلدەمەلەرمەن، ۇقك قورىتىندىسىمەن، ماماندار مەن ساراپشىلاردىڭ قورىتىندىلارىمەن، سونداي-اق ءىس بويىنشا جينالعان باسقا دا دالەلدەمەلەرمەن دالەلدەندى»، - دەدى سوت.
شەنەۋنىك مۇلكىن تاركىلەۋمەن 9 جىلعا، ال كاسىپكەر 8 جىلعا باس بوستاندىعىنان ايىرىلدى.
سوتتىڭ ۇكىمى زاڭدى كۇشىنە ەنگەن جوق.