قازاقستان رەسپۋبليكاسىنىڭ پرەزيدەنتتىگىنە كانديدات جيگۋلي دايرابايەۆ الماتى قالاسىنا جاقىن جەردەگى چاپايەۆ كەنتى ماڭىنداعى جىلىجايعا باردى. ءتورتىنشى بۋىنداعى زاماناۋي جىلىجاي 5 گەكتار اۋماقتا ورنالاسقان.
«Eurasian Green Product» كاسىپورنى «اۋىل» پارتياسىنان سايلانعان ءماسليحات دەپۋتاتى جاندوس تۇرسىنعالييەۆتىڭ ۇسىنىسى جانە اگرارلىق نەسيە كورپوراسياسى قولداۋىمەن قۇرىلعان. جوبا تازا ەكسپورتقا باعىتتالعان. رەسەيگە قىزاناقتىڭ ءتۇرىن شىعارادى. ونىمدەر اتالعان ەلدە ۇلكەن سۇرانىسقا يە. جوبا ءتيىمدى بولعاندىقتان كاسىپورىن اۋماعىن كەڭەيتۋگە مۇددەلى. ءبىراق ماسەلەنى شەشۋگە ەلەكتر قۋاتى باعاسىنىڭ وتە قىمباتتىعى مۇمكىندىك بەرەر ەمەس. ءقازىر بۇرىنعىداي تۇنگى-كۇندىزگى تاريف جوق. بارىنە ءبىر باعا. قىستىگۇنى ىسكە اسىرىلاتىن جاساندى كۇن ساۋلەسىنە وراسان كولەمدە ەلەكتر قۋاتى تۇتىنىلادى. جاساندى جارىققا ءبىر جىلدا 300 ميلليون تەڭگە قاراجات جۇمسالادى ەكەن.
«ءبىز ەكسپورتتى دامىتقىمىز كەلسە بۇعان جول بەرمەۋىمىز كەرەك. «Eurasian Green Product» كاسىپورنى ەلەكتر قۋاتىن ەڭ تومەنگى مولشەرلەمە، تاريف بويىنشا الۋى ءتيىس. تاريف نەلىكتەن قىمبات؟ سەبەبى ورتا جولدان قوسىلعان دەلدال كوپ. كەڭسەدەن باسقا ەشتەڭەسى جوق ولار ەلەكتر قۋاتىن وندىرەتىن كومپانيالاردان قۋات ساتىپ الىپ، ۇستەمە باعا قوسىپ ساتادى. مۇنداي جاعدايدا مىناداي كاسىپورىنداردى، ەكسپورتتى دامىتۋ مۇمكىن ەمەس. ەگەر ءبىز جالپى ەكسپورتتى، قايتا وڭدەۋدى دامىتقىمىز كەلسە مىناداي زاماناۋي جىلىجايلارعا، اۋىلدىق جەرلەردە جۇمىس ىستەيتىن، تاريفتەردى تولەۋدە بەلگىلى ءبىر قيىندىقتارعا تاپ بولاتىن وندىرىستىك نىساندارعاجالپى تاريفتەر بويىنشا ەڭ جاقسى جاعداي جاساۋىمىز كەرەك»، - دەدى كانديدات.
كەزدەسۋ سوڭىندا جىلىجاي كەشەنىنىڭ قىزمەتكەرلەرى كانديداتتىڭ الداعى ىستەرىنە تابىس تىلەدى.