جىبەك جولىنا ارنالعان العاشقى ارحەولوگيا سايتى تامىزدىڭ اياعىندا ىسكە قوسىلادى

سيان قالاسىندا «ءبىر بەلدەۋ، ءبىر جول» مەدياىنتىماقتاستىعى فورۋمى ءوتىپ جاتىر.

فورۋم اياسىندا مەدياديالوگ تاقىرىبىندا پلەنارلى سەسسيا ءوتتى، دەپ حابارلايدى Almaty-akshamy.kz Baq.kz-كە سىلتەمە جاساپ.

«شەنسي - ارحەولوگيا زەرتتەۋلەرى سالاسىنداعى ەڭ اۋقىمدى پروۆينسياسى. ءبىز باسقا دا ارحەولوگيا ورتالىقتارىمەن بىرىگە وتىرىپ ارحەولوگيا سالاسىنداعى جىبەك جولى ۆەب-سايتىن ازىرلەدىك. بۇل پلاتفورما جۇڭگو، ورىس جانە اعىلشىن تىلدەرىندە جۇمىس ىستەيدى»، - دەپ ايتتى باس رەداكتور فورۋمدا.

ونىڭ سوزىنشە، سايت جۇمىسى تولىق اياقتالدى جانە ول تامىزدىڭ اياعىندا ىسكە قوسىلادى.

«ارينە، بۇل سايت جىبەك جولىنا ارنالعان ەڭ العاشقى ارحەولوگيا سايتى بولادى. بۇل پلاتفورمادا «ءبىر بەلدەۋ، ءبىر جول» اياسىندا جۇرگىزىلگەن ارحەولوگيالىق جۇمىستار تۋرالى مالىمەتتەر بولادى»، - دەپ ءتۇسىندىردى دجان لياني.

ايتا كەتەيىك، Shaanxi Daily گازەتى قىتايدىڭ ەڭ تاريحي پروۆينسيالىق گازەتىنىڭ ءبىرى.

فورۋمعا قازاقستان، وزبەكستان، قىرعىزستان، تاجىكستان، ارمەنيا، گرۋزيا، ازەربايجان، بەلارۋس رەسپۋبليكاسى، لاتىن امەريكاسى ەلدەرى، وڭتۇستىك كورەيا، مىسىر جانە باسقا دا ەلدەر قاتىسىپ جاتىر.

ەسكە سالا كەتەيىك، قازاقستان مەن جۇڭگو اراسىنداعى ديپلوماتيالىق قارىم-قاتىناستاردىڭ ورناعانىنا بيىل 30 جىل تولىپ وتىر. وسى ۋاقىت ارالىعىندا ەكى ەل ءارتۇرلى سالادا سەرىكتەستىك ورناتتى.