بۇگىننەن باستاپ ءۇشارال-الماتى باعىتى بويىنشا اۆيابيلەت ساتىلادى

ءۇشارال اۋەجايى تەكسەرۋدەن ءوتىپ، پايدالانۋعا بەرىلدى.

ييدم ازاماتتىق اۆياسيا كوميتەتىنىڭ مالىمەتىنشە، «قازاقستاننىڭ اۆياسيالىق اكىمشىلىگى» اق ينسپەكتورلارى جاساندى ۇشۋ-قونۋ جولاعى قايتا جاڭارتىلعان ءۇشارال اۋەجايىنا سەرتيفيكاتتىق تەكسەرۋ جۇرگىزدى. بۇگىنگى تاڭدا نەگىزگى جۇمىس تۇرلەرى، ونىڭ ىشىندە ۇشۋ-قونۋ جولاعىن 2 700 مەترگە دەيىن ۇزارتۋ جانە رۋلدەۋ جولىن كەڭەيتۋ اياقتالدى، دەپ حابارلايدى Almaty-akshamy.kz.

جەتىسۋ وبلىسىنىڭ اكىمدىگى مەردىگەرلىك ۇيىممەن بىرلەسىپ جوبا بويىنشا قالعان جۇمىستاردى ىسكە اسىرۋدى جالعاستىرۋدا.

جۇرگىزىلگەن تەكسەرۋ ناتيجەلەرى بويىنشا ءۇشارال اۋەجايىنا پايدالانۋعا جارامدىلىق سەرتيفيكاتى بەرىلدى. بۇگىن اۆياكومپانيالار ءۇشارال – الماتى جانە ءۇشارال – نۇر-سۇلتان سۋبسيديالاناتىن باعىتتارى بويىنشا اۆيابيلەتتەردى ساتۋدى باستايدى. رەيستەردى «SCAT» اۋە كومپانياسى «CRJ2» اۋە كەمەلەرىندە (سىيىمدىلىعى 50 ورىندىق) جازعى ماۋسىمدا ءار باعىت بويىنشا اپتاسىنا 14 رەيس جيىلىگىمەن، قالعان ۋاقىتتا 7 رەيس ورىندايتىن بولادى. بيلەت قۇنى 15 000 جانە 16 000 تەڭگە. ۇشۋلار وسى جىلدىڭ 15 تامىزىنان باستالادى، - دەپ جازىلعان كوميتەت حابارلاماسىندا.