وبلىس پوليسەيلەرىنىڭ مالىمەتىنشە، ول تىيىم سالىنعان ءدىني ۇيىمنىڭ جاقتاۋشىسى.
جەتىسۋ پوليسەيلەرى وبلىستىق ۇقكد قىزمەتكەرلەرىمەن بىرلەسىپ سارقان اۋدانىنىڭ 45 جاستاعى تۇرعىنىن ۇستادى، دەپ حابارلايدى Almaty-akshamy.kz Polisia.kz-كە سىلتەمە جاساپ.
ۇستالعان اۋىل تۇرعىنىنىڭ مەكەن-جايى بويىنشا سانكسيالانعان ءتىنتۋ وتكىزۋ كەزىندە پوليسەيلەر 13 قاپ ماريحۋانا تاپتى.
«ءبىز ەر ادامنىڭ قازاقستان اۋماعىندا تىيىم سالىنعان ءدىني ۇيىمنىڭ جاقتاۋشىسى ەكەنىن بىلەمىز. وسىعان بايلانىستى، جەدەل ءىس-شارالار وبلىستىق پروكۋراتۋرانىڭ ۇيلەستىرۋىمەن جۇرگىزىلدى. قازىرگى ۋاقىتتا ەسىرتكىنى زاڭسىز ساقتاۋ فاكتىسى بويىنشا قىلمىستىق ءىس قوزعالدى»،-دەدى جەتىسۋ وبلىسى پد ەكسترەميزمگە قارسى ءىس-قيمىل باسقارماسىنداعىلار.