كورپوراتيۆتىك تابىس سالىعى بويىنشا جوسپاردىڭ ورىندالماۋى 272 ءىرى سالىق تولەۋشى بويىنشا مالىمدەلگەن اۆانستىق تولەم سوماسىنىڭ 24%-كە ازايۋىمەن بايلانىستى. يمپورتقا سالىناتىن قوسىلعان قۇن سالىعى بويىنشا جوسپاردىڭ ورىندالماۋ سەبەپتەرى رەتىندە ۆيسە-مينيستر ە.جاماۋبايەۆ مىنالاردى اتادى: يمپورت كولەمىنىڭ تومەندەۋى؛ ەەو ەلدەرىنەن يمپورت كولەمىنىڭ 9%-كە ازايۋى، دەپ حابارلايدى اlmaty-akshamy.kz.
«مەملەكەتتىك بيۋدجەتكە تۇسكەن كىرىستىڭ سوماسى 18،2 ترلن تەڭگە بولدى نەمەسە جوسپار 98،6%-كە ورىندالدى. رەسپۋبليكالىق بيۋدجەتكە 12،6 ترلن تەڭگەگە جۋىق قاراجات ءتۇستى. جوسپار 94،4%-كە ورىندالدى»، – دەدى ۆيسە-پرەمەر – قارجى ءمينيسترى ە.جاماۋبايەۆ ۇكىمەت وتىرىسىندا.
ونىڭ ايتۋىنشا، جوسپاردىڭ 100 پايىز ورىندالماۋى نەگىزىنەن سالىق تۇرلەرىنە بايلانىستى. اتاپ ايتقاندا، كورپوراتيۆتىك تابىس سالىعى، يمپورتقا سالىناتىن قوسىلعان قۇن سالىعى، پايدالى قازبالاردى وندىرۋگە سالىناتىن سالىق جانە شيكى مۇنايعا تيەسىلى ەكسپورتتىق كەدەن باجى ەسەبىنەن قالىپتاستى.
«جەرگىلىكتى بيۋدجەت كىرىسى 109،2%-عا اتقارىلىپ، 5،7 ترلن تەڭگە بولدى. جوسپار 478 ملرد تەڭگەگە، ونىڭ ىشىندە سالىق بويىنشا 425 ملرد تەڭگەگە اسىرا ورىندالدى»– دەدى ۆيسە-پرەمەر.
ايتۋىنشا، الماتى وبلىسىنان باسقا بارلىق وڭىردە كىرىس بويىنشا جوسپار اسىرا ورىندالىپ وتىر.