جەتىسۋدا ەڭبەك قۇلدىعىنا تۇسكەن ەر ادامنىڭ ىسىنە قاتىستى تەكسەرىس باستالدى

قۇجاتتاردى زاڭسىز الۋ فاكتىسى بويىنشا تەرگەۋ امالدارى باستالدى

جەتىسۋ پوليسەيلەرى الەۋمەتتىك جەلىلەردە كوپ جىلدىق ەڭبەك قۇلدىعى تۋرالى مالىمدەگەن ەر ادامدى ىزدەپ تاپتى، دەپ حابارلايدى Almaty-akshamy.kz ىىم-نە سىلتەمە جاساپ.

22 قاراشادا الەۋمەتتىك جەلىلەردە ەر ادامنىڭ بەينە حابارلاماسى شىقتى، ول سوڭعى 10 جىل ىشىندە قاراتال اۋدانىنداعى شارۋا قوجالىق يەسىنىڭ قۇلدىعىندا بولعانىن مالىمدەدى. پوليسەيلەر ۆيدەونىڭ اۆتورى بولعان ۇشتوبە قالاسىنىڭ 44 جاستاعى تۇرعىنىن ىزدەپ تاپتى.

ەر ادام، ونىڭ وتباسى مۇشەلەرىنىڭ قۇجاتتارىن جۇمىس بەرۋشى زاڭسىز يەمدەنگەنىن ايتادى.

«ءقازىر ەر ادامنىڭ ءوتىنىشى رەسمي تۇردە تىركەلدى. وعان قاتىسى بار بارلىق ادامداردان تۇسىنىكتەمە الىندى. ياعني، شارۋا قوجالىعىنىڭ يەسى، ونىڭ قىزمەتكەرلەرى، سونداي-اق جابىرلەنۋشىنىڭ تۋىستارى. قۇجاتتاردى زاڭسىز الۋ فاكتىسى بويىنشا تەرگەۋ امالدارى باستالدى. قىلمىستىق ءىس اياسىندا، سونداي-اق ءوتىنىش بەرۋشىنىڭ ەڭبەكتى پايدالانۋى تۋرالى كەلتىرگەن دالەلدەرى دە تەكسەرىلۋدە. ەر ادام جانە ونىڭ قىزىنا كومەك كورسەتىلۋدە. تەرگەۋ بارىسىندا ول تالدىقورعان وڭىرلىك «ايەلدەردى قولداۋ ورتالىعى» قوعامدىق بىرلەستىگىنىڭ وكىلدەرى ۇسىنعان تۇرعىن ۇيمەن، كيىممەن جانە تاماقپەن قامتاماسىز ەتىلگەن. ءىس بويىنشا بارلىق تەرگەۋ ارەكەتتەرى وبلىستىق پوليسيا دەپارتامەنتى باسشىلىعىنىڭ ەرەكشە باقىلاۋىنا الىندى»، - دەدى وبلىس پد باستىعىنىڭ ورىنباسارى ەلدار ابدىكەنوۆ.