جەتىسۋدا ەگىس جۇمىستارى باستالدى

15،6 مىڭ گەكتار ماساقتى ءداندى داقىل جانە 1،5 مىڭ گەكتار مايلى داقىل ەگىلدى.

الماتى وبلىسىندا ەگىس جۇمىستارى قىزۋ ءجۇرىپ جاتىر. بۇگىندە 167،3 مىڭ گەكتارعا ىلعالدى جابۋ، 84،1 مىڭ گەكتارعا سەبۋ الدىنداعى وڭدەۋ جۇمىستار جۇرگىزىلىپ، 73 مىڭ گەكتار جەر جىرتىلدى، دەپ حابارلايدى Almaty-akshamy.kz. 

وبلىستىق اۋىل شارۋاشىلىعى باسقارماسىنىڭ مالىمەتىنە جۇگىنسەك، قانت قىزىلشاسىنىڭ تۇقىمىمەن قامتاماسىز ەتۋ ءۇشىن قازىرگى ۋاقىتتا 5،7 مىڭ گا كولەمىندە 256 شارۋاشىلىقتان وتىنىمدەر قابىلدانىپ، «جەتىسۋ» اكك 1256 سەبۋ بىرلىگىن قاراتال، كوكسۋ، ەسكەلدى اۋداندارىنا وتكىزدى. ءتاتتى ءتۇبىردىڭ باسقا دا شەتەلدىك تۇقىمدارىن كوكسۋ قانت زاۋىتىنا جەتكىزۋ مەن تاراتۋ جۇمىستارى وسى اپتانىڭ ىشىندە اياقتالادى. 

«كوكتەمگى ەگىس جۇمىستارىنا مينەرالدى تىڭايتقىشتاردىڭ قاجەتتىلىگى 23 مىڭ توننا بولسا، سونىڭ 13،7 مىڭ تونناسىن نەمەسە 59،6%ء-ىن 998 شارۋاشىلىق سۋبەكتىلەرى الىپ ۇلگەرگەن. جانار-جاعار مايدان دا قيىندىق جوق. جالپى، وڭىردە كوكتەمگى ەگىس جۇمىستارى مامىر ايىنا دەيىن جالعاسادى»، - دەلىنگەن الماتى وبلىسى اكىمىنىڭ باسپا ءسوز قىزمەتىنىڭ حابارلاماسىندا.