رامازان ايىندا بۇل ساۋاپتى ءىستى اتقارعان – مەشىت قىزمەتكەرلەرى.
ولار 100 مىڭ كىسىگە ارنالعان اۋىز سۋ مەن قۇرما سالىنعان قوراپ تاراتتى، دەپ حابارلايدى Almaty-akshamy.kz الماتى ارناسىنا سىلتەمە جاساپ.
الماتىداعى مەشىت قىزمەتكەرلەرى رامازاننىڭ ءبىرىنشى كۇنىنەن-اق جۇرتتى ساۋاپتى ىسكە جۇمىلدىردى. قالالىق باس يمام باستاعان جاماعات 100 مىڭ كىسىگە ارنالعان اۋىز سۋ مەن قۇرما سالىنعان قوراپتار دايىنداپ، ونى تۇرعىندارعا تاراتتى.
وسىلايشا ورازا ايى ەرەكشە جاقسىلىقپەن باستالدى. تولەبي وسپاننىڭ ايتۋىنشا، ساۋاپتى ءىس مۇنىمەن توقتاپ قالمايدى. اي بىتكەنشە مەشىت توڭىرەگىندە ءدىني شارالار ۇيىمداستىرىلماق.
«بۇل ەندى باسى عانا. ال ەندى كۇندەلىكتى 500 كىسىگە، مەشىتتەردىڭ سىيىمدىلىعىنا قاراي، اۋىزاشار داستارحاندار ۇيىمداستىرىلادى. ءبىرىنشى كۇن بولعاندىقتان، كوپشىلىكپەن رامازاننىڭ قۋانىشىن ءبولىسۋ ماقساتىندا وسى سۋدى ۇسىنىپ، دايىنداپ وتىرمىز. دايىنداۋدىڭ وزىنە 1 اي كەتتى»، – دەدى الماتى قالاسىنىڭ باس يمامى تولەبي وسپان.