جەتىسۋ قۇتقارۋشىلارى ۋلانعان ەكى ەر ادامدى امان الىپ قالدى

قازىرگى ۋاقىتتا ولاردىڭ جاعدايى تۇراقتى.

الماتى وبلىسىنداعى قۇتقارۋشلار سۇيىقتىق بۋىمەن ۋلانعان ەكى ازاماتتى قۇتقاردى، دەپ حابارلايدى Almaty-akshamy.kz.

مامانداردىڭ حابارلاۋىنشا، 2021 جىلعى 13 شىلدەدە ساعات 12-47-دە الماتى وبلىسى رايىمبەك اۋدانى نارىكول اۋىلىنان ءبىر شاقىرىم جەردە 2008 جىلدان بەرى جۇمىس ىستەمەيتىن اۆتوجانارماي قۇيۋ ستانسياسىنىڭ اۋماعىندا وتىز توننالىق بوس سىيىمدىلىقتى تازالاۋ كەزىندە 1971 جانە 1987 جىلى تۋعان ەكى ەر ادام تەز تۇتاناتىن سۇيىقتىق بۋىمەن ۋلانعان.

«تۇسكى ءۇزىلىس كەزىندە 1987 جىلى تۋعان، ەر ادامداردىڭ ءبىرى ىدىستى تازالاي باستادى جانە تەز تۇتاناتىن سۇيىقتىق بۋىمەن ۋلانۋدان ەسىنەن تانىپ قالدى. 1971 جىلى تۋعان ەكىنشى ەر ادام تۇسكى استان ورالىپ، كومەككە ۇمتىلدى. ارقاننىڭ كومەگىمەن ول سەرىكتەسىن شىعاردى، ءبىراق سونىمەن بىرگە ول ۋلانىپ، كونتەينەردە ەسىن جوعالتتى. وقيعا ورنىنا كەلگەن الماتى وبلىسى تجد قىزمەتكەرلەرى ارنايى تىنىس الۋ اپپاراتتارمەن سىيىمدىلىققا ءتۇسىپ، ەر ادامدى قۇتقارۋ ارقانىنىڭ كومەگىمەن شىعاردى»، – دەلىنگەن الماتى وبلىسى تجد باسپا ءسوز قىزمەتىنىڭ حابارلاماسىندا.

ەكى ادام دا دەرەۋ رايىمبەك اۋدانىنىڭ ورتالىق اۋداندىق اۋرۋحاناسىنا جەتكىزىلدى. ولار  جانساقتاۋ بولىمىنە، ورتاشا اۋىر جاعدايدا جاتقىزىلعان. قازىرگى كەزدە ولاردىڭ جاعدايى تۇراقتى.