قازاقستاننىڭ كەي وڭىرلەرىندە قاتتى جاڭبىر جاۋىپ، داۋىل جانە ەكپىندى جەل جۇرەدى.
سينوپتيكتەردىڭ بولجامى بويىنشا، شىلدەنىڭ 13-15 ارالىعىندا جاڭبىر جاۋىپ، كۇن سالقىندايدى، دەپ حابارلايدى Almaty-akshamy.kz.
«رەسپۋبليكانىڭ باسىم بولىگىنىڭ اۋا-رايىنا سيكلون جانە ونىمەن بايلانىستى فرونتالدى بولىمدەر اسەر ەتەتىن بولادى. اۋا-رايىنىڭ تۇراقسىز سيپاتى كۇتىلەتىن جەردە. وسىعان بايلانىستى سولتۇستىك-باتىستا، سولتۇستىكتە، ورتالىقتا جانە شىعىستا قاتتى جاڭبىر جاۋىپ، نايزاعاي، بۇرشاق، داۋىل جانە ەكپىندى جەل جۇرەدى»،– دەلىنگەن «قازگيدرومەت» رمك باسپا ءسوز قىزمەتىنىڭ حابارلاماسىندا.
باتىستا اۋا تەمپەراتۋراسى تۇندە +12+22℃، كۇندىز +25+35℃، رەسپۋبليكانىڭ سولتۇستىگىندە، سولتۇستىك-باتىسىندا اۋا تەمپەراتۋراسى تۇندە +7+20℃، كۇندىز تەرمومەترلەر +12+28℃، ەلدىڭ ورتالىعىندا جانە شىعىسىندا اۋا تەمپەراتۋراسى تۇندە +8+20℃، كۇندىز +15+28℃، قازاقستاننىڭ وڭتۇستىك جانە وڭتۇستىك-شىعىسىندا تۇنگى تەمپەراتۋرا +12+23°س، كۇندىز +25+32°س بولادى.