جەتىسۋ پوليسەيلەرى «شارتتى» جەدەل الدىن الۋ ءىس-شاراسىن قورىتىندىلادى

شارا بارىسىندا 32 بۇزۋشىلىق انىقتالدى.

الماتى وبلىسى بويىنشا قىلمىستىق-اتقارۋ جۇيەسى دەپارتامەنتىندە 21-27 ماۋسىم ارالىعىندا وتكەن «شارتتى» جەدەل الدىن الۋ ءىس-شاراسىنىڭ قورىتىندىسى شىعارىلدى، دەپ حابارلايدى Almaty-akshamy.kz.

ىشكى ىستەر مينيسترلىگىنىڭ رەسمي سايتىنىڭ دەرەگى بويىنشا، اتالمىش ءىس-شارا پروباسيا قىزمەتكەرىنىڭ ەسەبىندە تۇرعان، قوعامنان وقشاۋلاۋعا بايلانىستى ەمەس جازا تۇرلەرىنە سوتتالعاندار تاراپىنان جاسالاتىن قۇقىق بۇزۋشىلىقتىڭ جانە قىلمىستىڭ قايتالانۋىنىڭ الدىن-الۋ، سونداي اق ىزدەۋ جاريالانعان سوتتالعانداردىڭ تۇرعىلىقتى جەرىن انىقتاۋ ماقساتىمەن ۇيىمداستىرىلعان.

جالپى ءىس-شاراعا وبلىس بويىنشا 78 پروباسيا قىزمەتكەرلەرى، 48 جەرگىلىكتى ۋچاسكەلىك پوليسيا ينسپەكتورى تارتىلعان بولاتىن.

«جەدەل الدىن الۋ ءىس-شاراسىنىڭ قورىتىندىسى بويىنشا وبلىس بويىنشا سوتتالعاندار تاراپىنان 32 بۇزۋشىلىق انىقتالدى. 48 ادامعا قاتىستى اۋداندىق سوتتارعا باس بوستاندىعىن شەكتەۋ جازالارىن باس بوستاندىعىنان ايىرۋعا اۋىستىرۋعا ماتەريالدار جولداندى. سونداي-اق، جۇمىلدىرىلعان قىزمەتكەرلەردىڭ كۇشىمەن ىزدەۋدە جۇرگەن جەتى سوتتالعان ادامنىڭ ورنالاسقان جەرى انىقتالدى. قازىرگى ۋاقىتتا ولار تەرگەۋ يزولياتورىنا قامالىپ، سوتتى كۇتۋدە»، – دەپ اتاپ ءوتتى الماتى وبلىسى بويىنشا قاجد باستىعىنىڭ مىندەتىن اتقارۋشى قانات اشوۆ.