– ءبىزدىڭ جۇمىسىمىز قوعامدىق ءتارتىپتى قاداعالاپ، تۇرعىندارمەن كۇندەلىكتى بايلانىس ورناتۋ بولعاندىقتان، «سپۋتنيك-V» ۆاكسيناسىنىڭ ەكى بىردەي دوزاسىن الىپ ۇلگەردىم.
ەش جەرىم اۋىرمادى، كەرىسىنشە، ءوزىمدى جاقسى سەزىنىپ، ەكپە الىسىمەن-اق جۇمىسقا شىعىپ كەتتىم. ۇيدە كىشكەنتاي حانشايىمىمىز، قارت انامىز بار، سول سەبەپتەن جۇبايىم ەكەۋمىز ەكپەنى قاتار الدىق. ءتىپتى، جۇمىس ورنىمىزداعى ادامداردىڭ 80%-عا جۋىعى ۆيرۋستان قورعايتىن ەكپەنىڭ ەكى دوزاسىن الدى.
ويتكەنى ءبىز تەك ءوزىمىزدىڭ عانا ەمەس، قاراپايىم حالىقتىڭ، جاقىندارىمىزدىڭ دەنساۋلىعىنا جاۋاپتىمىز.
مەنىڭ ويىمشا، ءارقايسىمىز دەنساۋلىعىمىزدى قورعاپ، بارىنە جاۋاپكەرشىلىكپەن قاراپ، ىندەتتى ءبىراۋىزدان اۋىزدىقتايتىن بولساق، بەيمارال ومىرىمىزگە ەرتەرەك ورالىپ، الىستاعى جەكجاتتارمەن بۇرىنعىداي ارقا-جارقا بولىپ قاۋىشار ەدىك.