جەتىسۋ وڭىرىندە گاز جەلىسىنە قوسىلۋ قۇنى رەتتەلەدى

بۇل ماسەلە الداعى ەكى ايدا شەشىلەدى.

الماتى وبلىسىندا تابيعي گاز جەلىسىنە قوسىلۋ قۇنى رەتتەلەدى. بۇل تۋرالى الماتى وبلىسىنىڭ اكىمى قانات بوزىمبايەۆ تالدىقورعاندا وتكەن بريفينگ كەزىندە ايتتى،  دەپ حابارلايدى Almaty-akshamy.kz الماتى وبلىسى اكىمىنىڭ باسپا ءسوز قىزمەتىنە سىلتەمە جاساپ.

«الماتى وبلىسىندا گازداندىرۋ تەك بيۋدجەت قاراجاتىنا عانا ەمەس، جەكەلەگەن اۋدانداردا ينۆەستيسيا تارتۋ ارقىلى دا جۇرگىزىلىپ كەلەدى. ءبىراق تۇرعىن ۇي-كوممۋنالدىق شارۋاشىلىق باسقارماسى باسشىلىعى مەن ماماندارىنىڭ باقىلاۋىنىڭ وسالدىعىنان كەيبىر كومپانيالار گازعا قوسۋ قۇنىن كوتەرىپ جىبەرگەن. وسى باعا ماسەلەسىنە قاتىستى بىزگە حالىقتان كوپ شاعىم تۇسەدى. ءبىرىنشى كەزەكتە «جەتىسۋوبلگاز» مەكەمەسىنە جاڭا باسشى تاعايىندادىم. تاجىريبەسى بار مامان. ءقازىر ول بارلىق اۋدانداردى ارالاپ، جاعدايمەن تانىسا باستادى. ءبىز گازعا قوسۋدىڭ وزىندىك قۇنىن ەسەپتەيمىز. سوسىن اكىمدىك تاراپىنان باعاعا قاتىستى ءتيىستى ۇسىنىم بەرەتىن بولامىز. ايتپەسە، گاز جەلىسىنە قوسۋدىڭ قۇنى 500-700 مىڭ تگ دەيىن باراتىن جاعدايلاردى دا ەستىپ ءجۇرمىز. الداعى ەكى ايدا بۇل جۇمىستى رەتتەيمىز. قاۋىپسىزدىكتى قامتاماسىز ەتۋ جاعىنان دا بارلىق نورامالار مەن تالاپتار ساقتالۋى كەرەك»، - دەدى قانات بوزىمبايەۆ.