جەتىسۋ وڭىرىندە دەمالىس كۇندەرى لوكداۋن جاريالانادى

بۇقارالىق، وتباسىلىق، ەسكە الۋ ءىس-شارالارىن وتكىزۋگە تىيىم سالىنادى.

الماتى وبلىسىندا كوروناۆيرۋس بويىنشا ەپيدەميولوگيالىق جاعداي ناشارلاپ وتىر. بۇل جايىندا الماتى وبلىسىنىڭ سانيتارلىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى اسحات چاراپييەۆ بريفينگ بارىسىندا ايتتى، دەپ حابارلايدى Almaty-akshamy.kz.

وبلىس بويىنشا كۆي ءوسۋ قارقىنى سوڭعى 2 اپتادا 0،7%-دان 0،9% دەيىن ارتتى.

ەپيدەميولوگيالىق ماتريسانىڭ باعالاۋى بويىنشا، الاكول، تالعار، بالقاش، ەڭبەكشىقازاق، پانفيلوۆ، سارقان جانە تەكەلى، تالدىقورعان قالالارى «قىزىل» ايماقتا، ىلە، قاراتال، جامبىل، قاراساي، كەربۇلاق، كوكسۋ، ۇيعىر جانە اقسۋ اۋداندارى «سارى» ايماقتا، ال قالعان قالالار مەن اۋداندار «جاسىل» ايماقتا ورنالاسقان.

«دەمالىس كۇندەرى لوكداۋن جاريالانادى. بالالار مەن ەرەسەكتەرگە ارنالعان ءبىلىم ورتالىقتارىنىڭ، اشىق جانە جابىق بازارلاردىڭ (ازىق-تۇلىك جانە ازىق-تۇلىك ساتپايتىن) قوعامدىق تاماقتانۋ نىساندارىنىڭ، جازعى الاڭداردىڭ، ساۋدا ۇيلەرى مەن قوعامدىق كولىكتىڭ (ەلدى مەكەندەر ىشىندە) بانكتەردىڭ، حقو-لاردىڭ، «قازپوشتا» اق بولىمشەلەرىنىڭ، ءدىني نىسانداردىڭ، سپا-ورتالىقتاردىڭ، باسسەيندەردىڭ، سپورت كەشەندەرىنىڭ، سپورتتىق-ساۋىقتىرۋ ورتالىقتارىنىڭ، فيتنەس-ورتالىقتاردىڭ، كازينولاردىڭ قىزمەتىنە جانە ويىن-ساۋىق، بۇقارالىق، وتباسىلىق، ەسكە الۋ ءىس-شارالارىن وتكىزۋگە تىيىم سالىنادى»، - دەدى اسحات چاراپييەۆ.