جەتىسۋ وبلىسىنداعى تاۋدا تۇتانعان ءورت جۇڭگو شەكاراسىنا جەتتى

ءورت 500 گەكتار اۋماققا تاراعان

جەتىسۋ وبلىسى توتەنشە جاعدايلار دەپارتامەنتى الاكول اۋدانىنىڭ تاۋلى ايماعىنداعى ءورت جايلى جاڭا دەرەكتەرمەن ءبولىستى، دەپ حابارلايدى Almaty-akshamy.kz.

دەپارتامەنت وكىلدەرىنىڭ مالىمەتىنشە، ءورت اۋدانى 500 گەكتارعا جەتكەن. ونى سوندىرۋگە 187 ادام مەن ەكى تىكۇشاق تارتىلدى.

«ساعات 15:00-دە اباي وبلىسىنان قوسىمشا مي-8 ۇشاعى شىقتى. جەلدىڭ جىلدامدىعى 28-30 م/س، ءبىراق جەلدىڭ باعىتى شىعىستان باتىسقا قاراي ءۇشارال-دوستىق تاس جولىنا قاراي وزگەردى. شەكارادان قاشىقتىعى 10 شاقىرىم. قۇرباندار مەن زارداپ شەككەندەر جوق. سونداي-اق ەلدى مەكەندەرگە ءقاۋىپ ءتونىپ تۇرعان جوق. جاعداي باقىلاۋدا. بارلىعى ەكى مي-8 تىكۇشاعى، 17 تەحنيكا جانە 183 جەكە قۇرام جۇمىلدىرىلدى»، - دەپ حابارلادى وبلىستىق تجد باسپا ءسوز قىزمەتىنەن.

ۆەدومستۆوداعىلار ءورت كورشى جۇڭگو شەكاراسىنا جەتكەن. توتەنشە جاعدايلار مينيسترلىگى مەن شەكارا قىزمەتى كورشى مەملەكەتكە ءورتتىڭ سولارعا قاراي تارالۋى مۇمكىن ەكەنىن ەسكەرتكەن.

«قىزىل جالىن كورشى مەملەكەتتىڭ كۇشىمەن ءسوندىرىلدى. وقيعا ورنىندا شتاب جۇمىس ىستەپ جاتىر»، - دەپ تولىقتىردى دەپارتامەنتتەن.