جەتىسۋ وبلىسىنىڭ پروكۋراتۋراسى 9 بالالار لاگەرىنىڭ قىزمەتىنە تەكسەرۋ جۇرگىزىپ، مەكەمەلەردىڭ جاعدايى زاڭ تالاپتارىنا سايكەس كەلمەيتىنىن انىقتادى، دەپ حابارلايدى Almaty-akshamy.kz.
اتاپ ايتقاندا، «قارلىعاش» لاگەرىندە (كوكسۋ اۋدانى) بالالارعا ارنالعان ازىق-تۇلىك سانيتارلىق-ەپيدەميولوگيالىق نورمالار ساقتالماستان ۆەتەريناريالىق-سانيتارلىق ساراپتاما مەن قاۋىپسىزدىك سەرتيفيكاتتارىنسىز ساتىپ الىنعان.
بالالارعا ارنالعان كۇندەلىكتى تاماقتانۋ نورمالارى ساقتالماعان. اس مازىرىندە جاڭا پىسكەن كوكونىستەردەن جاسالعان تاعامدار قاراستىرىلماعان.
«لاگەرلەردىڭ بارلىعىندا دەرلىك ءورت قاۋىپسىزدىگى نورمالارى ساقتالمايدى. العاشقى ءورت ءسوندىرۋ قۇرالدارى – ءورت سوندىرگىشتەر مەن ءورت گيدرانتتارى جوق، ءورت كەزىندە ەۆاكۋاسيالىق جولداردىڭ كەدەرگىسىز شىعۋى قامتاماسىز ەتىلمەگەن. كەيبىر لاگەرلەردە مەرزىمى وتكەن دارى-دارمەكتەر ساقتالعان. بالالاردىڭ لاگەرلەردە تۇرۋى مەن بوس ۋاقىتىن وتكىزۋ جاعدايى دا تەحنيكالىق نورمالار مەن قاۋىپسىزدىك تالاپتارىنا سايكەس كەلمەيدى. نەگىزگى (عيماراتتار، ۇيلەر) جانە قوسالقى (اس ءۇي، جۋىناتىن بولمەلەر جانە ت.ب.) لاگەر عيماراتتارى توزعان، كۇردەلى جوندەۋدى قاجەت ەتەدى»، - دەلىنگەن پروكۋراتۋرا حابارلاماسىندا.
ال «شاعالا» لاگەرىندە (الاكول اۋدانى) ويىن-ساۋىق كەشەندەرى مۇلدە بولماعان.
سونىمەن قاتار تەكەلى قالاسىنداعى لاگەرلەردىڭ بىرىندە «پارانويدتى شيزوفرەنيا» دياگنوزىمەن ەسەپتە تۇرعان مەديسينا قىزمەتكەرى انىقتالدى.
«تەكسەرۋ ءىس-شارالارى جالعاسىپ جاتىر. بارلىق انىقتالعان بۇزۋشىلىقتار بويىنشا پروكۋرورلىق قاداعالاۋ شارالارى قابىلداناتىن بولادى»، - دەدى پروكۋراتۋرادان.