قىتايمەن بىرلەسىپ جەتىسۋ وبلىسىنىڭ الاكول اۋدانىنداعى «دوستىق» بەكەتىندە فيتو-ۆەتەريناريالىق زەرتحانا سالۋ جوسپارلانىپ وتىر. بۇل تۋرالى وڭىرلىك اكىمدىكتىڭ باسپا ءسوز قىزمەتىنەن ءمالىم ەتتى، دەپ حابارلايدى Almaty-akshamy.kz Inform.kz-كە سىلتەمە جاساپ.
وبلىس اكىمى بەيبىت يسابايەۆ جۇڭگو حالىق رەسپۋبليكاسىنىڭ قازاقستانداعى ەلشىسى چجان سياومەن بەينەبايلانىس ارقىلى پەرسپەكتيۆالاردى تالقىلادى. ونىڭ بارىسىندا جۇڭگو تاراپى الاكول اۋدانىنىڭ «دوستىق» بەكەتىندە فيتو-ۆەتەريناريالىق زەرتحانا سالۋدى ۇسىندى. اكىمدىك دەرەگىنشە، بۇل جوبا اۋىل شارۋاشىلىعى تاۋارلارىن ەكسپورتتاۋ راسىمدەرىن ايتارلىقتاي جەڭىلدەتەدى.
«ءوڭىردىڭ ترانزيتتىك الەۋەتىن ارتتىرۋ – ءبىزدىڭ ارىپتەستىك قارىم-قاتىناستارىمىزدىڭ ەڭ پەرسپەكتيۆالى باعىتتارىنىڭ ءبىرى. اگرارلىق سالا، جاڭارتىلاتىن ەنەرگيا كوزدەرى، قۇرىلىس ماتەريالدارىن ءوندىرۋ، تۋريزم، فارماسيەۆتيكا، سونداي-اق مينەرالدى شيكىزاتتى ءوندىرۋ جانە قايتا وڭدەۋ ىنتىماقتاستىقتىڭ باسىم باعىتتارى بولماق»، - دەدى بەيبىت يسابايەۆ.
وبلىس باسشىسىنىڭ ايتۋىنشا، «دوستىق» بەكەتىندە سالىناتىن جاڭا تەرمينال قازاقستان-قىتاي شەكاراسىندا جىلىنا 9 ملن تونناعا دەيىن جۇك پەن 300 مىڭ كونتەينەردى تيەۋگە جانە ونى ساقتاۋعا قاۋقارلى. قۇرىلىس قۇنى 25 ملرد تەڭگەگە باعالانعان.