جەتىسۋ وبلىسىندا التىن تاۋىپ، جەردى زاڭسىز قازعاندار ۇستالدى

ۇستالعاندار ءوز قىزمەتىنە قانداي دا ءبىر رۇقسات قۇجاتتارىن ۇسىنا المادى

قازىپ الىنعان قازبالار (ءارتۇرلى تاستار مەن قۇمدار) جۇك كولىگىنە تيەلگەن. پوليسيا اتالعان دەرەككە سايكەس، ق ر قك-نىڭ 334-بابىنىڭ 1-بولىگى (جەر قويناۋىن ءوز بەتىنشە پايدالانۋ) بويىنشا تەرگەۋ امالدارىن قولعا الىپ، ساراپاتامالار تاعايىندادى، دەپ حابارلايدى Almaty-akshamy.kz.

جەتىسۋ تاۋلارىندا التىن كەنىن زاڭسىز الۋمەن اينالىسقاندار ۇستالدى. اتالعان فاكتى اقسۋ اۋدانىندا تىركەلدى. 1 قازاندا بالاساز اۋىلىنىڭ ماڭىنداعى تاۋلى جەرلەردە جەرگىلىكتى پوليسەيلەر زاڭسىز التىن ىزدەۋ بريگاداسىن ۇستادى. بريگادا التى ەر ادامنان تۇرادى، ولار جامبىل وبلىسى مەن الماتى قالاسىنان اۋداندىق پوليسيا بولىمىنە جەتكىزىلدى. كۇدىكتىلەر التىن كەنىن وندىرۋمەن اينالىسقان دەپ بولجانادى. 

ۇستالعاندار ءوز قىزمەتىنە قانداي دا ءبىر رۇقسات قۇجاتتارىن ۇسىنا المادى. ءتارتىپ ساقشىلارى كۋدىكتىلەردەن اۆتوكولىكتەردى (جۇك كولىگى HOWO، ەكسكاۆاتور، ۋاز)، سونىمەن قاتار بۇرعىلار، ەلەكتر گەنەراتورى، پەرفوراتور، ارنايى شىڭدار، دايىندالعان قاپتار، كيىز ءۇي مەن شاتىردى تاركىلەدى.